112 Acta Apostolicæ Sedis - Commentarium Officiale

1897 duodevicesimus Episcopus Sancti Miniati rite factus est. Summa fuit

eius sollicitudo et cura: hoc enim clare invenitur et ostenditur in pluribus

lustrationibus in paroecis, valetudinariis, carceribus et monasteriis, quae

ab eo suscepta sunt, eius in epistulis pastoralibus magno pietatis sensu

et doctrina uberrimis, in vehementi ac constanti consuetudine suis cum

sacerdotibus et fidelibus, denique in maxima diligentia erga pauperes. Iam

a primordiis ministerii sui in Divini Verbi propagationem et in fidei vitae

incrementum omnibus paroecis semper incubuit.

Animi amplitudo huius Episcopi in constanti studio perfections eminet,

quod multis vicissitudinibus historiae suae ostenditur. Virtutum exercitium

illi cotidianus usus fuit tam in privata vita quam in episcopali munere et

in hoc vere heroica proposita assecutus est. Maxime singularia fuerunt

dona sapientiae, quae a Servo Dei in verbis, in scriptis et praecipue in vita

profusa sunt. Ratio orationis, sacrificii, apostolicae sedulitatis, humilitatis,

austeritatis, puritatis, exemplaritatis, suavitas amoris in Deum, certa con-

cordia et caritas erga alios, haec omnia in moribus, in verbis et in vitae

consuetudinibus Domini Del Corona eminebant eo ut ab omnibus diceretur

« Bonus sicut angelus Dei ». Ecclesiae doctrinam ille maxime amavit et stu-

diis excoluit, praecipue secundum Sancti Thomae mentem, quae per eum

medium vivum et ad persuadendum aptum invenit. Amor Eucharistiae et

Sanctissimae Virginis Mariae naturae eius pietatis et cultus solidum fun-

damentum fuerunt.

Anno 1906, graviter aegrotus, in manibus Sancti Pii X mandatum suum

detulit. Quia ingravescere salus eius videbatur mane diei 10 mensis Augusti

anno 1912 extrema unctione ille illinebatur et insequenti die 15 Augusti,

ille hunc diem suum extremum dixit oculosque suos defigens in caelum,

animam Deo restituit. In Misericordiae coemeterio Florentiae Servus Dei

sepultus est. Constanter ad eius sepulcrum pervenerunt visitationes et pe-

regrinationes. Anno 1925 corpus eius Florentiae in crypta monasterii eius

filiarum spiritualium translatum est.

Fama sanctitatis, a die 12 mensis Decembris anno 1941 ad diem 9

mensis Iunii anno 1959 iuxta Curiam ecclesiasticam Sancti Miniati Pro-

cessus Ordinarius celebratus est, cui duo Processus Rogatoriales Romae

et Labrone accesserunt, quorum iuridica validitas ab hac Congregatione

de Causis Sanctorum per Decretum diei 1 mensis Octobris anno 2004 est

approbata. Exarata Positione, disceptatum est secundum normas an Ser-