424 Acta Apostolicae Sedis - Commentarium Officiale

omnibus iis se abducant, quae eorum amandi facultatem depravant. Similiter

retinere debemus « novae et congruentioris loquelae necessitatem exstare in

primis cum pueri ac adolescentes ad sexualitatis argumentum adducuntur ».302

282. Sexualis educatio quae sanam pudicitiam tuetur summi est pretii,

quamvis hodie quidam putent rem esse praeteritorum temporum. Naturale

est personae praesidium, quae sua interiora tutatur et impedit quominus

in merum obiectum immutetur. Dempta pudicitia, affectum et sexualitatem

quosdam ad furores redigere possumus, genitalia solum respicientes, insa-

nias videlicet quae nostram amandi facultatem detorquent et varias sexualis

violentiae species quae efficiunt ut nos inhumane tractemur vel ad aliis

utique detrimentum inferendum perducunt.

283. Saepenumero sexualis educatio in invitatione sistit "ad se tuendum",

ad "sexum securum" requirendum. Verba haec negativum morem adversus

naturalem procreationis finem sexualitatis tradunt quasi eveniens filius ini-

micus sit, prorsus abigendus. Sic narcissiana violentia potius quam receptio

promovetur. Extremae imprudentiae est adolescentes quolibet modo allicere

ut suis corporibus ludant ac desideriis, maturitatem, bona, mutuum offi-

cium et proposita matrimonii propria tamquam si habeant. Sic ipsi iocose

ad alteram personam utendam veluti experientiarum obiectum ad carentia

et magnos limites compensandos eriguntur. Contra autem praestat ut iis

iter demonstretur de diversis amoris rationibus, de mutua cura, de vere-

cunda lenitate, de communicatione sensu locupletata. Haec omnia enim sui

donationem comparant, integram quidem et liberalem, quae patebit post

publicum officium in oblatis corporibus. Sexualis sic in matrimonio copulatio

signum evadet muneris totam personam complectentis, antecedenti cuncto

itinere locupletati.

284. Non sunt illudendi iuvenes, ad ordines permiscendos inducti: blan-

dimentum « tunc temporis coniunctionis speciem affert, attamen sine amore

haec "coniunctio" duas personas extraneas relinquit et ut antea seiunctas ».303

Corporis loquela patiens tirocinium sibi vindicat quod sinit ut intellegantur et

educentur propria desideria ad se vere donandum. Cum quis omnia confestim

donare vult, fieri potest ut nihil donetur. Aliud est aetatis debilitates eiusve

perturbationes intellegere, aliud adolescentes concitare ad immaturam eorum

302 Rel Fin 2015, 56. 303 EricH fromm, The Art of Loving, New York 1956, p. 54.