Acta Francisci Pp. 425

rationem amandi producendam. At quis hodie de his rebus loquitur? Quis

iuvenes serio animo tractare valet? Quis eos adiuvat ut curiose ad magnum

liberalemque amorem se comparent? Nimis temere sexualis educatio agitatur.

285. Sexualis educatio observantiam aestimationemque differentiae etiam

complecti debet, quae unicuique facultatem ostendat praeclusionem intra pro-

prios limites praetergrediendi ut ad alterum recipiendum se aperiat. Praeter

intellegibiles difficultates, quibus quisque implicari potest, oportet adiuvetur

ad proprium corpus accipiendum sic ut creatum est, quoniam « logica pro-

prii corporis temperandi in logicam nonnumquam transformatur subtilem

creati dominandi. […] Etiam proprium corpus aestimare eius in feminino aut

masculino genere necessarium est ad recognoscendos nos ipsos in occursu

cum alio, a nobis diverso. Hoc modo fieri potest ut gaudenter accipiamus

peculiare donum viri vel feminae, operae Dei Creatoris, et mutuo divites nos

efficiamus ».304 Cum differentiae metus dumtaxat deseritur, potest quidam a

propriae personae immanentia et a sui fascinatione sese expedire. Sexualis

educatio iuvare debet ad proprium corpus accipiendum, ita ut persona nolit

« sexualem differentiam delere, quia nescit cum illa se comparare ».305

286. Ne ignorari quidem potest in personam femininam masculinamve

fingendam non confluere solummodo biologica vel genetica elementa, verum

etiam complura elementa ad ingenium, ad familiae historiam, ad humanum

cultum, ad anteactas experientias, ad institutionem receptam, ad amicorum,

necessariorum aestimatarumque personarum suasiones, atque ad alia rerum

adiuncta quae accommodationis laborem requirunt, attinentia. Verum est

segregare nos non posse ea quae sunt masculina et feminina a Dei creata

opera, quae omnes nostras deliberationes experientiasque antecedit, ubi

biologica elementa insunt quae ignorari non possunt. Attamen etiam verum

est masculinum et femininum haud quiddam esse rigidum. Quapropter fie-

ri potest, exempli gratia, ut masculinus viri mos ad operis condicionem

uxoris congruenter se accommodet. Cum ipse in se domestica munia vel

quandam operam filiorum colendorum absolvendi officium recipit, non fit

minus masculinus, neque porro haec ruinam quandam, concessionem vel

verecundiam secum ferunt. Pueri sunt iuvandi ad recipiendas, ut ad nor-

mas, has salutares "utrimque permutationes", quae a patris specimine nihil

304 Litt. Enc . Laudato si' (24 Maii 2015), 155. 305 Catechesis (15 Aprilis 2015): L'Osservatore Romano, 16 Aprilis 2015, p. 8.