426 Acta Apostolicae Sedis - Commentarium Officiale

detrahunt dignitatis. Rigor fit immoderatio masculini vel feminini generis,

et pueros iuvenesque ad operum permutationem haud educat quae in veris

matrimonii condicionibus reperiuntur. Rigor porro iste progressum cuiusque

facultatum cohibere potest, ita ut parum masculinum putetur artem vel

saltationem colere ac parum femininum moderationis officium sustinere.

Quod, Deo gratias, mutatum est, sed quibusdam locis quaedam incongruae

opiniones temperare legitimam libertatem pergunt ac verum progressum

praecidere identitatis certae filiorum eorumque facultatum.

fidES tranSmittEnda

287. Filiorum educatio fidei transmittendae cursu informari debet, quod

difficulter evenit propter hodiernos vivendi mores, operum horarium, nostri

temporis mundi complexionem, in quo ut se expediant, furiose multi agitan-

tur.306 Nihilominus familia ut locus usque servari debet, ubi rationes percipien-

dae et fidei pulchritudo, precatio et proximi famulatus docentur. Quod per

Baptismum incohatur, in quo, ut sanctus Augustinus asseverabat, matres quae

suos filios ferunt « sancto partui cooperantur ».307 Exinde iter incipit illius novae

vitae incrementi. Fides Dei est donum, in Baptismo receptum, et non fit per

humanum actum, attamen parentes Dei sunt instrumenta eius progressionis

eiusque provectus. Quocirca « pulchrum est, cum parvulos docent matres ut

savium dent Iesu vel Mariae Virgini. Quanta blanditia in actu illo reperitur!

Illo temporis puncto parvulorum cor in precationis spatium convertitur ».308

Fides transmittenda requirit ut parentes verum usum habeant Deo confidendi

eumque quaerendi, eum desiderandi, quoniam tantum hoc modo « generatio

generationi laudabit opera tua, et potentiam tuam pronuntiabunt » ( Ps 145,

4) et « pater filiis notam faciet veritatem tuam » ( Is 38, 19). Hoc postulat ut

invocemus Deum, qui in cordibus agat, ibi quidem quo pervenire non possu-

mus. Granum sinapis, minimum semen, magna fit arbor (cfr Mt 13, 31-32),

et sic inter actionem et effectum incongruentiam agnoscimus. Tunc scimus

nos doni dominos non esse, sed sollicitos ipsius administratores. Attamen

per nostrum sollers officium operam damus ut cum Dei consilio cooperemur.

Itaque « curetur ut congruenter adhibeantur coniuges, matres et patres, ut

activi ministri catechesis […]. Magnum auxilium praebet familiaris catechesis

306 Cfr Rel Fin 2015, 13-14. 307 De sancta virginitate, 7, 7: PL 40, 400. 308 Catechesis (26 Augusti 2015): L'Osservatore Romano, 27 Augusti 2015, p. 8.