H 6 EX S. G. EPISC. ET REGUL.

eamdem missam conventualem applicare. Bened. XIV cit. L n. 15; Bouix de Capitulis p. 321. Cum igitur haec lex de applicanda in certis diebus duplici missa conventuali certissima sit, Capitulum Caputaquense ad eam declinandam aliquod documentum afferre deberet : neque ipsum pro se invocare potest supracitatum rescriptum Pontificium, quia Rescriptum reductionis loquitur tantum de missis impositio a fundatoribus, quae in casu reditus beneficiorum absorbe- bant, non vero de missis praescriptis a rubricis. Ex alia vero parte, quamvis facultas dispensandi sit latae interpre- tationis, non ita tamen sentiendum de ipsa dispensatione, quae semper est strictae interpretationis utpote legi vulnus inferens. Iure merito igitur Rescriptum interpretandum venit dumtaxat de coarctatione missarum, quae impositae fuerunt a fundatoribus, vel ecclesiae benefactoribus.

FAVORE CAPITULI. E X adverso Capitulares observant in comperto esse tenuitatem redituum esse causam sufficientem aliquando ad reducendam applicationem missae conventualis ad dies tantum festos, Bened. XIV loc. cit. n. 15, salva tamen quotidiana missae conventualis celebratione. Iamvero quod praebendae canonicorum Cathedralis Caputaquensis sint tenues patet ex eo, quod eorum reditus vix attingunt an- nuam summam libellarum 425. Ex hoc igitur motivo pe- tunt, ut exonerati declarentur ab applicatione secundae missae- conventualis, quando ea certis diebus a rubricis imponitur.

Hisce utrinque in arctum compactis, solutioni supposita fuere sequentia

D u b i a

I. An canonici Cathedralis Caputaquensis, in diebus Quadragesimae vel in vigiliis anni teneantur ad celebratio- nem cum cantu et applicationem secundae missae conven- tualis de feria post nonam, non obstante tenuitate prae- bendae canonicalis in casu?

II . An omnes canonici, vel solum canonici hebdoma- darii teneantur ad assistendum huic secundae missae?