Congregatio de Causis Sanctorum 975

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 2 mensis Aprilis A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis

PALAIENSIS

Beatificationis et Canonizationis Servi Dei Matthaei Kadalikattil, Sacerdotis

dioecesani Fundatoris Congregationis Sororum a Sacratissimo Corde Iesu pro

Mulieribus (1872-1935)

DECRETUM SUPER VIRTUTIBUS

«Diliges Dominum Deum tuum in toto corde tuo et in tota anima tua et in

tota mente tua: hoc est magnum et primum mandatum. Secundum autem

simile est huic: Diliges proximum tuum sicut teipsum » (Mt 22, 37-39).

Verba haec Evangelistae, quae legem et prophetas una summopere

perstringunt, indolis et vitae fundamentis Servi Dei Matthaei Kadalikattil

dilucide personant, cuius conversationem, enim, mira fide et actuosam cari-

tatem erga Deum et proximum informaverunt. Pauper et humilis, ad bonum

derelictorum totum se contulit et vivus Christi Boni Pastoris testis habitus

est, omnino gregi a Domino ipsi commisso deditus.

Servus Dei in vico Edapadeio intra fines Keralae in India australi die

25 mensis Aprilis anno 1872 natus est, e familia catholica ritus Syri-Malaba-

rensis, quae iam inde a prima infantia eum christiana fide simplici simul et

fervida pietate exprompta enutritaque funditus informavit. Prima puerili

institutione apud scholam paroecialem vici Thanolei recepta, Matthaeus

puerulus institutionem religiosam amplius excolere valuit, Syrum discens

sermonem, qui scilicet genuina et avita lingua erat Ecclesiae Malabarensis,

et primitias vocationis ad sacerdotium alendas curavit.