Acta Francisci Pp. 427

tamquam efficax via ad iuvenes parentes instituendos, ut conscii fiant suae

missionis, propriam familiam evangelizantes ».309

288. Fidei educatio unicuique filio accommodatur, quandoquidem instru-

menta iam cognita vel praescriptiones suo interdum munere non funguntur.

Pueris opus est symbolis, actibus, narrationibus. Adolescentes plerumque cum

auctoritate et normis confligere solent, quapropter convenit ut eorum perso-

nales fidei experientiae concitentur atque iis praeclara testimonia ministren-

tur quae suam propter ipsam pulchritudinem eminent. Parentes qui suorum

filiorum fidem comitari volunt, diligenter eorum mutationes respiciunt, quia

noverunt non imperari sed eorum libertati proponi spiritalem experientiam.

Maximum habet pondus quod filii certa ratione percipiant suis parentibus re-

vera magni momenti esse precationem. Idcirco precationis tempora in familia

itemque pietatis popularis manifestationes maiorem evangelizationis vim quam

omnes catecheses omnesque sermones habere possunt. Matribus cunctis No-

strum animum gratum ostendere potissimum cupimus, quae, ut sancta Monica

facere solebat, pro filiis precantur qui Christum deseruerunt.

289. Fidem filiis transmittendi exercitium, id est eiusdem manifesta-

tionem et incrementum iuvandi, efficit ut familia Evangelii nuntiatrix fiat,

atque ultro eandem sponte transmittere incipiat omnibus iis qui ad ipsam

accedunt, extra etiam familiarem ipsum ambitum. Filii qui in missionariis

familiis crescunt saepenumero missionarii fiunt, si parentes sic hoc munus

gerunt, ut ceteri eos proximos animadvertant amicosque, atque ut filii hac

cum mundo necessitudinis ratione adolescant, propriam fidem propriasque

opiniones non deserentes. Memoramus ipsum Iesum cum peccatoribus edis-

se ac bibisse (cfr Mc 2, 16; Mt 11, 19), stetisse cum Samaritana locuturum

(cfr Io 4, 7-26), et noctu Nicodemum recepisse (cfr Io 3, 1-21), sivisse ut

eius pedes ungeret meretrix (cfr Lc 7, 36-50), et sine cunctatione aegrotos

tetigisse (cfr Mc 1, 40-45; 7, 33). Idem faciebant eius apostoli, qui ceteros

nullo modo despiciebant, in parvos selectorum manipulos conclusi, a populi

sui vita segregati. Cum eos persequerentur potestates, totius populi bene-

volentia ipsi fruebantur (cfr Act 2, 47; 4, 21.33; 5, 13).

290. « Sic familia ut pastoralis actionis subiectum constituitur per mani-

festum Evangelii nuntium necnon per traditas formas multiplices testimonii,

quae sunt: de pauperibus sollicitudo, in diversas personas facilitas, creati

309 Rel Fin 2015, 89.