Congregatio de Causis Sanctorum 837

Tandem Serva Dei, postquam totam vitam prò aegrotis et indigenti-

bus impenderat, semper evangelium fìdeliter sequens ac omnium virtutum

exemplum propriis et extraneis praebens, die 8 mensis Ianuarii anno 1972

ad celestem Sponsum convolavit, filiabus sequens spirituale Testamentum

relinquens: « Sanctae estote. Fideles estote Summo Pontifici, Ecclesiae ac

Constitutionibus. Sanctissimum Sacramentum et Virginem Mariam vere di-

ligite. Unionem servate, et beatae eritis ».

Fama sanctitatis, qua in vita gaudebat, post mortem celeriter crevit. Ob

eam rem Causa Beatiticationis et Canonizationis apud Curiam Episcopalem

Sancti Iosephi in Brasilia inita est per celebrationem Inquisitionis dioe-

cesanae a die 17 mensis Augusti anno 1997 ad diem 25 mensis Novembris

anno 2001, cuius auctoritas et vis iuridica ab hac Congregatione de Causis

Sanctorum decreto diei 2 mensis Maii anno 2003 probatae sunt. Positione

confecta, die 21 mensis Maii anno 2013 in Congressu Peculiari Consultorum

Theologorum prospero cum exitu disceptatum est, iuxta consuetudinem, an

Serva Dei more heroum virtutes christianas exercuisset. Patres Cardinale et

Episcopi in Sessione Ordinaria diei 4 mensis Martii anno 2014, cui egomet

ipse Angelus Cardinalis Amato praefui, professi sunt Servam Dei virtutes

theologales, cardinales iisque adnexas in modum heroum exercuisse.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Ius-

titia, Temperantia et Fortitudine, iisque adnexis, in gradu heroico, Servae

Dei Mariae Teresiae a Iesu Eucharistico (in saeculo: Dulcis Rodrigues Dos

Santos), Fundatricis Congregationis Sororum Parvarum Missionariarum a

Maria Immaculata, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 3 mensis Aprilis a.D. 2014.

angeluS card. amato, S.D.b. Praefectus

L. G S.

G marcelluS bartolucci Archiep. tit. Mevaniensis, a Secretis