120 EX S. C. RITUUM

nensis splendorem, veluti novum astrum protulit. Ioanna, pa- tria Oriolensis natione Hispana, parentibus Honorato et Anna Remires de Espejo, opibus et virtute praestantibus, anno 1575 quinto Kalendas Ianuarias orta, sacro baptismi lavacro in Pa- rochiali Ecclesia S. Iacobi abluta fuit. Adhuc infans in Iesum patientem et vulneratum oculis animoque ferebatur eiusque imaginem pectori orique admovens suavissime osculabatur. Puella a puerilibus abstinens, quum solitariam ageret vitam, religiosae praelucebat perfectioni. Ad Synaxim admissa ac fre- quenter accedens, haud multo post, confessario probante, vir- ginitatem Deo devovit, pietate et moribus adeo praeclare se ge- rens, ut matresfamilias puellis suis Ioannam velut angelis ae- mulam indigitarent. Superato post quinquennium certamine quod a domesticis et praecipue a matre strenue sustinuerat, ex ipsius Episcopi Oriolensis consilio, anno 1597, die 15 Maii, Asceterium Augustinianense S. Sebastiani ingressa est, ubi, suscepto reli- gionis habitu atque anno tyrocinii rite expleto, solemnia vota nuncupavit. Puellis novitiis praeposita regularum observantiam et religiosae vitae coluit perfectionem, una cum illis coram Deo iugiter ambulans. Neque solum puellae, sed ipsae moniales ae- tate provectae eius disciplinae se subiecerunt, quo factum, ut mystica illa vinea uberrimos ediderit fructus. Tandem quum unum supra trigesimum aetatis annum duceret, Ioanna, dolo- ribus ac infirmitatibus patientissime toleratis, in ipso S. Seba- stiani Monasterio, quo eius mater Deo in bonis operibus ser- viens se receperat, die, quam predixerat, secunda Iunii anno 1607 brevem hanc vitam cum perenni ac beata commutavit. Oriolensibus civibus ad eius exequias confluentibus, uti memo- riae proditum est, Deus pluribus et miris modis ostendit acce- ptissimam sibi fuisse animam Famulae suae Ioannae, cuius ex- uviae, servato Catholicae Ecclesiae ritu, in ipso S. Sebastiani Asceterio cum magna populi veneratione et frequentia deposi- tae fuerunt. Hinc obtigit, ut paucos post annos, universa civitate Oriolensi postulante, praedictus Processus Ordinarius, nuper cognitus, adornatus fuerit; cui altera recentior inquisitio acces- sit, ut fama sanctimoniae eiusdem Servae Dei ad haec usque tempora perdurans et crebrescens, eniteret. Hac duplici Or- dinaria Inquisitione ad Sacram Rituum Congregationem de- lata, Sanctissimus Dominus Noster Leo Papa XIII benigne in- dulsit, ut Dubium de signatura Commissionis Introductionis