Congregatio de Causis Sanctorum 839

praepediri: signum tantum metuendi illius praecipitii levis fuit genus per-

frictio, quam percussa ei in deiectu trabs procuderat.

Iuvenis, vero, qui nec conscientiam nec rationem amiserat praeceps,

sponte ad divinum auxilium confugere statuerat per Beati intercessionem,

cuius iam ex pueritia erat devotissimus, ut e gravi illa calamitate evaderet

illaesus. Et revera se a casu ilio omni vigore sustulit refertus atque, nullo

deinceps quoque obrepto damno, omnes vitae consuetudines resumpsit et,

praetermissa omni medicorum pervestigatione, licet protinus suetas navi-

tates iam repetere vellet, a magistro operis persuasus ad easdem tantum

consecuto die rediit. Etiam postea nihil ex deiectu ilio exstitit et ipsa inse-

quentia examina radiorum emissionis ope instructa cuiuscumque laesionis

ostenderunt vestigium, nec damna psychica quidem umquam conspecta sunt.

De hoc miro habito incolumitatis casu apud Curiam Archiepiscopalem

Consentinam - Bisinianensem a die 24 mensis Maii anno 2008 ad diem 15

mensis Iunii anno 2009 Inquisitio Dioecesana celebrata est, cuius auctoritas

et vis iuridica a Congregatione de Causis Sanctorum decreto diei 11 mensis

Martii anno 2011 probatae sunt.

Acta dein collecta examini et iudicio Dicasterii Medicorum Collegium

subiecta sunt, quod in Sessione diei 13 mensis Decembris anno 2012 casum

inexplicabilem secundum hodiernam scientiam medicam fuisse affirmavit.

Die 28 mensis Novembris anno 2013, Congressus Peculiaris Consultorum

Theologorum factus est ac, die 4 mensis Martii anno 2014, Sessio Ordinaria

Patrum Cardinalium et Episcoporum, cui egomet ipse Angelus Cardinalis

Amato praefui, et in utroque coetu sive Consultorum sive Cardinalium et

Episcoporum, posito dubio an de miraculo divinitus patrato constaret, res-

ponsum affìrmativum prolatum est.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Beati

Nicolai a Longobardis (in saec.: Ioannis Baptistae Clementis Saggio), Oblati

Professi ex Ordine Minimorum, videlicet de «assenza di qualsivoglia signifi-

cativa lesività sia somatica sia psichica in un giovane, in conseguenza della

precipitazione da grande altezza».