Acta Francisci Pp. 431

Hierosolymitano ac deinceps via Ecclesiae semper fuit via Iesu: via scilicet

misericordiae et redintegrationis […]. Via Ecclesiae ea est quae in perpetuum

neminem damnat; Deique misericordiam in omnes effundit eandem sincero

corde efflagitantes […]. Nam, vera caritas semper immerita interminataque et

gratuita est!».326 Proinde, «vitanda sunt iudicia, quae diversarum condicionum

implicationes neglegunt, ac necessarium est, ut rationem consideremus, qua

singuli vivunt et condicionum vitae suae causa patiuntur ».327

297. De redintegrandis omnibus agitur et quisque adiuvandus est, ut

sua ipsius ratione ecclesialem communitatem participet et se esse par-

tem animadvertat "immeritae interminataeque et gratuitae" misericordiae.

Nemo in perpetuum damnari potest, quia haec est mens Evangelii! Non

modo ad coniuges disiunctos Nos convertimus illos, qui nova coniunctione

vinciuntur, sed universos, quicumque eorum est status. Ut liquet, si quis

peccatum obiectivum exhibet quasi christianae rationi omnino adhaereat vel

quiddam ab Ecclesiae disciplina alienum inculcare velit, exigere non potest,

ut doctrinam tradat vel praedicet, et hac ratione aliquid exstat quod eum

a communitate avertit (cfr Mt 18, 17); opus est, ut denuo nuntium Evange-

lii revocationemque ad conversionem audiat. Cui ipsi vero modus quidam

inveniri potest vitae communitatis participandae, sicuti socialis actuositas

vel coetus precationis vel omnia quae eiusdem consilium, Pastoris consulto

iudicio, persuadeat. Quod ad quosdam status "irregulares", qui dicuntur,

attinet, Patres synodales generalem sententiam tulerunt: « Quod ad pastorale

opus spectat, eos complectens, qui matrimonium civile inierunt vel divortium

fecerunt vel solum convivunt, Ecclesiae est divinam disciplinam gratiae in

eorum vita pandere iisdemque subvenire, ut plenitudinem Dei consilii in se

adipiscantur »,328 quod semper fieri potest virtute Spiritus Sancti.

298. Seiuncti novam experientes coniunctionem, exempli gratia, tam in

variis rerum adiunctis vivere possunt, quae nec recensenda nec concludenda

sunt intra saepta restrictiorum formularum, nullo aptae personali pastora-

lique discretioni interposito spatio. Aliud est alterum coniugium tempore

novisque filiis probataque fidelitate assiduaque sollicitudine et christiana

navitate corroboratum, vitii propriae condicionis conscium atque magnae

326 Homilia Summo Pontifice cum nuper creatis Cardinalibus Sacroque Cardinalium Collegio Eucharistiam celebrante (15 Februarii 2015): AAS 107 (2015), 257.

327 Rel Fin 2015, 51. 328 Rel Syn 2014, 25.