122. De sancto Arigio.
Ad Vesperas.

1. Adest dies laetitiae,
Quo scandit supra aethera,
Ab hac valle miseriae
Arigius in gloria.

2. Praeclarus ex progenie,
Lucidus in operibus,
Praesul fit sacro munere
Vapincensis vir inclitus.

3. Nullum contempsit indolem
Curam habens de ovibus,
Extra caulas vertibilem
Trahit gregi flectibilem.

4. In die coenae Domini
Tres elephanti sordidos
Lavacro pedum supplici
Orans sanavit morbidos.

5. Angelorum Angius
Chorum in terra audiit,
Ubi coruscans vocibus
Promit Christus quem censuit.

6. Lascivum operarium
Maledixit in Domino,
Quem suffocabat venenum,
Sanat ejus oratio.

7. Arigium Gregorius
Morum, vita, scientia
Sibi aequat, fert fortius,
Non similem in Gallia.

8. Qui per hunc sanas languidos
Fulgentem claris titulis,
Jesu, qui hic sis nostra dos.
Gloria, laus in saecula.