Acta Apostolicae Sedis - Commentarium Officiale982

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 27 mensis Iunii A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis

VENETIARUM

Canonizationis Beati Ioannis Marinoni, Sacerdotis Professi Ordinis Clericorum

Regularium Theatinorum (1490-1562)

DECRETUM SUPER VIRTUTIBUS

« Estote ergo imitatores Dei, sicut filii carissimi et ambulate in dilectione

sicut et Christus dilexit nos et tradidit semetipsum pro nobis oblationem et

hostiam Deo in odorem suavitatis » (Eph 5,1-2).

Haec Paulina exhortatio corona totius Beati Ioannis Marinoni vitae esse

videtur, cuius memoria semper fuit heroici sacerdotis, qui totaliter se dedit

pro egenis, multa apostolatus opera pro pauperum materiali ac spirituali cura

constituens.

Beatus Ioannes Marinoni, in saeculo Franciscus, Venetiis die 25 mensis

Decembris anno 1490 natus est. Expletis litterariis institutionibus iuxtam

scholam Ioannis Del Bene, archipresbyteri Sancti Stephani Veronae et viri

summae scientiae et pietatis, iuvenis Franciscus Patavina in Universitate

gradum doctoris in utroque iure adeptus est. Sancti Pantaleonis Ecclesiae

collegiatae clericus in civitate sua creatus est et, post sacerdotalem ordina-

tionem circiter annum 1513, pastorale ministerium duos annos protraxit.

Postea iuxta Sancti Marci Basilicam, primum ut mansionarius deinde ut

canonicus, sedem mutavit. Interea in eo magis magisque singularis sollicitudo

eminebat in civitatis homines debiliores et infirmiores et praecipue in aegro-

tos et dolentes ita ut ille, cappellanus Valetudinarii Novi Incurabilium no-