EX S. G. RITUUM 125

TIRASONEN. Dubia magistri caeremoniarum circa consuetudines inolitas; quaerens

quaenam sint respuendae, quaenam retinendae.

Hodiernus Magister caeremoniarum Cathedralis Ecclesiae Tirasonensis nonnullos in eadem Ecclesia animadvertens indu- ctos mores, Rubricis et S. R. C. Decretis minus conformes at- que etiam contrarios, cupiensque scire quinam ex iis permitti possint, quinam sint eliminandi, insequentia dubia f, annuente R m o D. Episcopo dioecesano, eidem S. R. C. resolvenda humi- liter proposuit, nimirum:

I. In omnibus Missis solemnibus Corporale non explicatur a Diacono tempore praescripto in Ritu servando in celebra- tione Missae (Tit. V I , 7 ) , sed a sacrista antequam Missa in- choetur: an haec praxis possit sustineri?

II. An possit servari consuetudo celebrandi Missas sole- mnes Feriarum Quadragesimae, Quatuor Temporum, Vigilia- rum, quarumdam de Requiem aliarumque per annum sine ce- roferariis, sine thuriftcatione, duobusque tantum cereis accensis in altari?

III. Estne tolerandurn quod Subdiaconus, in praedictis Mis- sis maneat cum Celebrante, et non incedat cum Diacono eique assistat in pulpito, ubi est canendum Evangelium?

IV. Ex praesumpto privilegio Canonicus celebrans lecto Gra- duali seu Tractu, vadit ad scamnum ubi sedens et coopertus imponit incensum, dat benedictionem Diacono evangelium can- taturo, ibique manet quin legat evangelium usque dum Diaco- nus incipit cantum ipsius. Haec omnia possunt retineri?

V. Poterit continuari praxis immemorabilis Cathedralis Ec- clesiae Tirasonensis, cuius titularis est B. V. Maria, nominandi ad litteram N. Orationis A cunctis, S. Attilanum, patronum ci- vitatis et S s . Prudentium et Gaudiosum patronos aeque princi- pales Dioecesis?

VI . An sufficiat ut in quibusdam Missis de Requiem, an- niversariis late sumptis, quae in hac Cathedrali cum Diacono et Subdiacono cantantur, Sequentia Dies irae legatur tantum a Celebrante, aut debeat etiam cantari a Choro?

VII . Utrum, attenta consuetudine, in Vesperis et Laudibus persolvendis Celebrans possit manere in habitu chorali usque ad Capitulum et tunc tantum assumere pluviale?