126 Acta Apostolicae Sedis - Commentarium Officiale

et pro necessitate expostulandi detrahi quicquam patiantur. Causa

enim agitur gravissima, cuius in eos ipsos eventus et periculum

magnam partem recidat, cum inde non tam sors Ecclesiae, ad

immortalitatem ex divinis promissis natae et in universum ter-

rarum orbem patentis, quam familiarum et civilis societatis et

vel ipsius rei publicae fortuna pendeat. Neque enim liceat civitati

colligere nisi id ipsum quod antea severit, veritatem aut errorem,

germanam Christi fidem aut ethnicam pravitatem, humanum

denique cultum aut detestabilem barbariam, quantumvis externo

splendore claram exquisitissimisque fucatam munditiis, quas

recentior rerum cursus ac progressus invexit.

Huc accedit quod non modo curis ac sollicitudinibus, ut supra

diximus, verum etiam maerore afficimur ob civium cum civibus

simultates ac potissimum ob vim haud raro personis, locis rebus-

que sacris, praetereaque iis illatam sodalitatibus, quae, quam-

quam religiosae ac sacrae per se non sunt, arcte tamen cum Reli-'

gione et ecclesiastica hierarchia cohaerent, qua praeeunte et duce,

remoto quovis partium rerumque publicarum studio, ad catholice

sentiendum ac vivendum homines singulos societatemque dome-

sticam et civilem adducere nituntur. Quod enim perspicue atque

plus semel ediximus, nulli prorsus licere, ad consilia dumtaxat

politica vel ad fovendam partium quarumlibet causam, cum au-

ctoritate sacra, tum catholica actione abuti, - idque ne fieret

pro facultate prohibuimus -, idcirco impositas Eeligioni iniu-

rias aut vim personis, rebus institutisque cum ea coniunctis, per

speciem publicarum rationum, adhibitam iure optimo conquerimur

atque improbamus. Nonnulla quidem ad exitum aut nuperrime

perducta aut mox perducenda libenter fatemur non iniucunda

accidisse, ut intermissam - quae utinam funditus retractetur -

notissimam legem, unde satis gravia operibus legatisque piis im-

penderent detrimenta, ut maioris pecuniae assignationem clero

sustentando, etsi ad annum tantummodo, prorogatam, decretam-

ene sacris eius ministeriis tuendis militiae vacationem. At nolimus

silendo eam invehere opinionem, Apostolicam Sedem cuipiam

renuntiasse aut renuntiare velle ius suum de iis rebus decer-