Acta Apostolicae Sedis - Commentarium Officiale984

Pontifex Clemens XIII die 5 mensis Decembris anno 1764 Beato Ioanni

cultum a tempore immemorabili tributum confirmavit. Canonizationis

respectu, iuxta Curiam Venetiarum a die 25 mensis Iunii anni 2004 ad diem

3 mensis Iunii anni 2005 celebrata est Inquisitio dioecesana, cuius iuridica

validitas ab hac Congregatione de Causis Sanctorum per Decretum diei 30

mensis Novembris anni 2006 approbata est. Exarata Positione, disceptatum

est ex norma an Beatus Ioannes Marinoni heroicum in modum virtutes

excoluisset. Die 29 mensis Ianuarii anno 2008 Congressus Peculiaris Consul-

torum Historicorum et die 15 mensis Octobris anno 2010 Congressus Pecu-

liaris Consultorum Theologorum positivo cum exitu habiti sunt. Patres Car-

dinales et Episcopi in Sessione Ordinaria congregati die 21 mensis Iunii anno

2011, Ponente Causa Ex.mo Domino Raphaele Martinelli, Episcopo Tuscu-

lano, agnoverunt Ioannem Marinoni virtutes theologales, cardinales iisque

adnexas heroum in modum excoluisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Beati Ioannis Marinoni

(in saec. Francisci), Sacerdotis professi Ordinis Clericorum Regularium Thea-

tinorum, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 27 mensis Iunii A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis