128 Acta Apostolicae Sedis - Commentarium Officiale

fidei pietatisque, qua incendimur, flamma Nos cogeret eiusmodi

provehere ac participare sollemnia: coepimus equidem, et in-

ceptum neutiquam deseremus, cum nihil habeamus antiquius,

quam ut debita Virgini pietas Romanaeque Cathedrae studium in

dilectis filiis ex Urbe Nostris, immo etiam in Christi fidelibus omni-

bus, cotidie mggis floreant ac revirescant. Dolendum sane, hisce

Apostolicae Sedis condicionibus prohiberi Nos quominus, deces-

sorum Nostrorum exemplo, et munificentissime agamus et sacris

ritibus praesentes adsimus: quae sane egregia eorum facta Pon-

tificum in fastis Basilicae Lateranensis et templi S. Mariae in

Porticu exstant aureis veluti litteris inscripta.

At duplici alio, Venerabiles Fratres, aliquanto post fruituri

sumus, ut nostis, celebritatis eventu, unde haec Alma Urbs com-

munis fidei ac pietatis, itemque omnium hominum pacificationis

fraternaeque populorum necessitudinis, quasi quoddam theatrum

exsistet: de Anno Sancto intellegi volumus deque Missionaria

Expositione, quam vocant, in Vaticanis hisce aedibus habenda.

Atque iam nunc, magna cum animi iucunditate, videre prope-

modum videmur peregrinos undique huc, ad millia bene multa,

confluere, et, admissa expiandi seseque Deo reconciliandi cupidos,

paratosque vitam rectius sanctiusque in reliquum tempus tra-

ducere, Portam Sanctam catervatim ingredi, quam Nos eo con-

silio, pro vetere more institutoque, aperiemus, ut copiosiores

redemptionis fructus gratiaeque in ipsos emanent atque effluant.

Neque est ullo pacto dubitandum, quin iidem peregrini et fide-

les, quando, miro quodam complexu propositam, multiformem

heroicamque adspexerint recteque aestimaverint missionalium ca-

tholicorum operam - illorum missionalium, inquimus, qui, ut

miserrimis fratribus in umbra mortis sedentibus caelestes eos lumi-

num gratiarumque thesauros impertiant quibus heic affluimus,

et patriae et suorum et vel ipsius vitae iacturam faciunt -, iam

se ad tanti apostolatus admirationem converti sentiant atque

; °;^ripi et in promovendis sacrarum Missionum utilitatibus dele-

r e n t u r . Merito igitur vobiscum, Venerabiles Fratres, eam in spem

erigimur, futurum, ut sacri istius piacularisque anni cursus sic