128 APPENDIX I.

citum, ac proinde, quoties fundi venditio traditioque secuta non fuerit, mutuantem petere tantum posse restitutionem sortis, imputatis in eam usuris exactis. Quoties vero fundi venditio traditioque secuta fuerit, si fundus apud eum maneat, teneri mutuantem restituere fundum ipsum et fructus omnes ex eo perceptos, quamvis consumptus, salvis tantum- modo expensis et lucris industrialibus, et salva retentione seu repe- titione summae mutuatae. Si fundus ab eo distractus fuerit, nec com- mode recuperan possit, teneri loco fundi restituere pretium, et in utroque casu restitutionem faciendam esse personis, quibus de iure com- petit; his autem non extantibus, Ecclesiae ut res et pecunias restituías in pios usus convertat: declarando, quod si mutuans contractum huius- modi inierit tempore, quo in tenebris infidelitatis caecutiebat, non ex- tantibus personis, quibus de iure facienda est restitutio, relinquatur penes eum tanquam in pium usum quidquid restituere deberet, prout in favorem suscepti Baptismatis sancivit Paulus III in sua Constitutione Cupientes, edita die 21 Martii 1542, et confirmata a s. m. Clemente XI in sua Constitutione Propagandae, edita die 21 Martii an. 1704.

Quoad 2. dubium. Secundus emptores, quoties bona fide et iusto emptionis titulo, fundum a mutuante acquisierint, vel illum tanto tem- pore possederint, quantum a legibus requiritur ad praescriptionem in- ducendam, non teneri ad restitutionem fundi et fructuum, quamvis, post legitime completam praescriptionem, cognoscant fundum a mu- tuante vendi nequivisse: cum satis sit, ut qui praescribit, in nulla temporis parte rei habeat conscientiam alienae, ut ait Lucius III. in capite Quoniam, 20. De praescriptionibus. Quoties vero emerint mala fide, vel, currente praescriptionis tempore, noverint fundum a mutuante non potuisse vendi, teneri restituere a die malae fidei fundum et fructus quamvis consumptos, salvis expensis et lucris mere industrialibus, ita tamen ut, si fundum acquisiverint ante susceptum Baptismum et ignotae sint personae, quibus facienda sit restitutio, res restituendae penes eos, tamquam in usum pium, relinquantur, ad formam praedictarum Con- stitutionum Apostolicarum.

Iuxta praemissa, ea qua decet sedulitate et prudentia sese gerere debent missionarii in Imperio Sinai um commorantes, ita ut, quatenus mutuans et possessores malae fidei, admoniti de eorum respectiva obli- gatione, iniuste renuant eam adimplere cum possint, admitti ab eis nequeant, si infideles sint, ad Baptismum : si fideles, ad alia Sacramenta.