Acta Francisci Pp. 439

reiecto ».358 Probe scit ipsum Iesum Pastorem centum, non autem nonaginta

novem ovium se ipsum praebere. Quas omnes quaerit. Hac ex conscientia

fieri poterit, ut « Cunctis credentibus longinquisque misericordiae balsamum

contingere possit, Regni Dei veluti signum, quod iam est inter nos ».359

310. Oblivisci non possumus « misericordiam non solum esse actionem

Patris, sed discernendi principium fieri ad intellegendum qui eius veri sint

filii. Breviter, vocamur ad vivendum de misericordia, quoniam nobis pri-

mis est misericordia oblata ».360 Non agitur de amoena invitatione vel de

debili responso prae Dei amore, qui homines semper provehere vult, quia

« Fulcimentum quod vitam Ecclesiae sustinet est misericordia. In pastorali

eius navitate omnia involvantur oportet suavitate qua credentes attingun-

tur; nihil ex eius nuntio ac testimonio erga mundum absque misericordia

esse potest ».361 Revera nonnumquam « tamquam observatores gratiae, non

autem adiutores nos gerimus. Ecclesia autem non portorium, sed paterna

est domus illa, ubi unicuique una cum laboriosa eius vita locus patet ».362

311. Theologiae moralis doctrina has considerationes sibi sumere nullo

modo praetermittere debet, quoniam, licet verum sit integritatem doctrinae

moralis Ecclesiae curari oportere, peculiari semper studio Evangelii summa

praecipuaque bona extollenda sunt ac fovenda,363 primatus praesertim cari-

tatis, quae gratuitae divini amoris operationi respondet. Quandoque locum

in re pastorali interminato amori Dei dare multi constat.364 Complures

misericordiae imponimus condiciones, quam certo sensu ac vera significa-

tione viduamus, quod pessimum iter est ad Evangelium tractandum. Verum

est, exempli gratia, misericordiam haud submovere iustitiam et veritatem,

nobis tamen in primis confitendum est misericordiam plenitudinem esse

iustitiae atque clarissimam veritatis Dei manifestationem. Semper igitur

358 Bulla Misericordiae Vultus (11 Aprilis 2015), 12: AAS 107 (2015), 407. 359 Ibid., 5: 402. 360 Ibid., 9: 405. 361 Ibid., 10: 406. 362 Adhort. Ap. Evangelii gaudium (24 Novembris 2013), 47: AAS 105 (2013), 1040. 363 Cfr ibid., 36-37: AAS 105 (2013), 1035. 364 Fortasse propter scrupulum post desiderium magnum fidelitatis erga veritatem abditum,

sacerdotes quidam a paenitentibus propositum resipiscentiae omnibus fugatis umbris adeo exigunt, ut misericordia in iustitiam mere suppositive puram inquirendam evanescat. Proinde, est operae pretium recordari praecepti sancti Ioannis Pauli II, qui novum lapsum quamquam praevisum « nullomodo praeiudicare genuinitatem propositi » adfirmavit ( Epistula ad Cardinalem Villelmum W. Baum pro schola de foro interno a Paenitentiaria Apostolica instituta [22 Martii 1996], 5: Insegnamenti XIX, 1 [1996], p. 589).