440 Acta Apostolicae Sedis - Commentarium Officiale

convenit existimare « imparem notionem quamlibet theologicam quae ad

ultimum in dubium ipsius Dei omnipotentiam, nominatim eius misericor-

diam, devocet ».365

312. Haec conspectum nobis praebent ac signa, quae nos quominus al-

gidam explicemus rem moralem et quasi e mensa scriptoria edictam de

maximis disputandis argumentis impediunt et nos potius in rerum adiunctis

collocant discretionis pastoralis misericordi amore refertae atque ad intelle-

gendum, ad ignoscendum, ad comitandum, ad sperandum ac praesertim ad

suscipiendum iugiter se comparat. Ratio haec est, quae in Ecclesia semper

polleat oportet, ut possimus « cordis patefactionem experiri erga illos qui

in diversissimis exsitentiae peripheriis vitam agunt ».366 Christifideles in an-

gustiis nunc versantes exhortamur, ut fidenter colloquium instituant cum

pastoribus suis vel cum laicis Domino deditis. In quibus vero haud semper

corroborabuntur opiniones ac optata eorum, sed lumen certe accipient,

quo magis intellegant quae ad seipsos pertinent et invenire valeant iter

propriae maturationis. Et pastores ipsi exhortamur, ut eos animi affectione

et aequanimiter auscultent et sincere cupiant uniuscuiusque cor, angoribus

cumulatum, ingredi et intellegere mentes, necnon eos adiuvent, quo melius

vivant et locum suum in Ecclesia reperiant.

caput nonum

SPIRITALITAS CONIUGALIS ET FAMILIARIS

313. Caritas varias induit species iuxta genus conversationis, ad quam

quisque vocatus est. Iam aliquot abhinc decennis Concilium Oecumenicum

Vaticanum II quod ad apostolatum laicorum spectabat, extollebat spiritalita-

tem e vita familiari manantem. Et asserebat nempe laicorum spiritalis vitae

rationem « notam peculiarem assumere » debere etiam « ex statu matrimonii et

familiae »367 neque curas familiares extraneas esse ab eorundem ratione vitae

spiritalis.368 Proinde, operae pretium est breviter huius spiritalitatis praeci-

pua recensere, quae in vitae familiaris actuosis necessitudinibus evolvitur.

365 commiSSio tHEologica intErnationaliS, La speranza della salvezza per i bambini che muoiono senza battesimo (19 Aprilis 2007), 2.

366 Bulla Misericordiae Vultus (11 Aprilis 2015), 15: AAS 107 (2015), 409. 367 Decr. Apostolicam actuositatem, 4. 368 Cfr ibid.