Acta Francisci Pp. 441

SpiritalitaS communioniS SupErnaturaliS

314. Semper locuti sumus de inhabitatione Dei in interiore homine, qui in

eiusdem gratia vivit. Hodie vero Trinitatem etiam dicere possumus in templo

communionis matrimonialis adesse. Quemadmodum habitat in laudibus populi

sui (cfr Ps 22, 4) sic in amore coniugali penitus vivit, qui eandem clarificat.

315. Praesentia Dei vera certaque in familia habitat omnibus doloribus,

certaminibus, gaudiis et cotidianis propositis onerata. Cum enim apud familiam

degitur, arduum hic est simulare atque ementiri, neque speciem simulatam

ostendere possumus. Ubi amor hanc genuinitatem animat, ibi Dominus sua

cum laetitia regnat et pace. Spiritalitas amoris familiaris multitudine verorum

certorumque efficitur gestuum. Hac in donorum occursuumque varietate, qui

communionem provehunt, Deus tabernaculum suum collocat. Quod studium

« humana simul et divina » consociat,369 cum refertum sit amore Dei. Matri-

monialis itaque spiritalitas est vinculi spiritalitas ubi divinus habitat amor.

316. Communio familiaris bene acta verum est iter sanctificationis in

ordinaria vita et mystici profectus, instrumentum nempe intimae coniunc-

tionis cum Deo. Nam, vitae familiaris fraternae et communes necessitates

occasio sunt cordis plus plusque adaperiendi, quod plenioris usque occursus

cum Domino facit facultatem. Verbum Dei sic effatur: « Qui odit fratrem

suum, in tenebris ambulat » (cfr 1Io 2, 11), « manet in morte » ( 1Io 3, 14) et

« non cognovit Deum » ( 1Io 4, 8). Decessor Noster Benedictus XVI ita asse-

veravit: « Qui ab oculis proximum amovet, coram Deo etiam fit caecus »370 et

amor denique unica est lux, « quae renovato usque modo obscurum orbem

illuminat ».371 Tantum «si diligamus invicem, Deus in nobis manet et caritas

eius in nobis consummata est» ( 1Io 4, 12). Et cum « persona humana nati-

vam atque propriam dimensionem socialem »372 sortiatur et « primigenia et

originalis expressio rationis socialis personae in coniugio et in familia »373

sit, spiritalitas igitur in communioni familiari incarnatur. Proinde, qui alta

spiritalia cupiunt nullomodo animadvertant oportet familiam a vitae spirita-

lis profectu eos avertere, sed iter esse quod Dominus ad eosdem in culmen

mysticae coniunctionis transvehendos adhibetur.

369 conc. oEcum. Vat. ii, Const. past. Gaudium et spes, 49. 370 Litt. Enc. Deus caritas est (25 Decembris 2005), 16: AAS 98 (2006), 230. 371 Ibid., 39: AAS 98 (2006), 250. 372 ioannES pauluS II, Adhort. Ap. Christifideles laici (30 Decembris 1988), 40: AAS 81 (1989),

468. 373 Ibid.