NICIEN. 151

Hae nuptiae haud felices successerunt : asseritur enim, Carolinam, haud Iubenti animo, sed gravi metu, a matre compulsam viro nupsisse. Quam vero aerumnosa fuerit coniu- galis vita, narrat mulier hisce verbis in suo supplici li- bello : « De scènes terribles sont passées dans les années que nous avons vécus ensemble, sans jamais pouvoir nous concilier, quoique de notre union il y ait eu deux enfants »; imo, si vera narrantur, tot aerumnis mulier oppressa fuit ut, malo consilio, quadam die mortem veneno sibi consci- scere conata sit. Hac de re, percrescentibus domesticis con- tentionibus, Carolina marito valedixit et ad tribunal civile recursum habuit facile obtinens sententiam favorabilem di- vortii. Perversis exinde ducta consiliis mulier, alii viro se per actum civilem coniunxit, quod et vir iam fecerat, eo- dem sacrilego connubio alteram mulierem ducens.

Progressu temporis Carolina supplicem Episcopo Niciensi porrexit libellum, quo se poenitentem dixit illati scandali, simulque postulavit, ut matrimonium a se contractum cum Stephano nullum declararetur ex capite vis et metus. Re- vera Episcopus Niciensi s remisit cognitionem causae usque ad sententiae prolationem Iudici delegato, qui constituto Tribunali, iuratas depositiones actricis, eius viri, plurium- que testium excepit : atque, omnibus perpensis, sub die 10 Iulii 1898 hanc dedit sententiam : « Matrimonium con- tractum a Carolina cum Stephano defectu consensus, aut saltem ex certissimo defectu libertatis, quae requiritur ad valide contrahendum matrimonium, nullum prorsus esse ».

D i s c e p t a t i o s y n o p t i c a

DEFENSIO M U L I E R I S . Mulieris patronus ipso orationis exor- dio monet, matrimonium solo consensu contrahi et plena debere securitate gaudere; si ergo aliquid libertati desit, matrimonium nullo pacto contrahi docet Alexander III in cap. 14 B e Sponsal. Imo, unanimiter Doctores tradunt in nullo alio contractu tantam requiri libertatem, quanta in contrahendo matrimonio servetur oportet. Ita S. Cyprianus