Acta Francisci Pp. 443

SpiritalitaS proprii Et liBEri amoriS

319. In matrimonio sensum etiam experimur ad unam personam omnino

pertinendi. Coniuges provocationem et voluntatem insimul senescendi ac pe-

reundi sumunt, fidelitatem Dei sic referentes. Firmum hoc consilium, quod

quandam vivendi rationem designat, « interior necessitas ipsius foederis amoris

coniugalis »380 est, quia « qui consilium non iniit amandi semper difficulter unum

diem sincero corde amare potest ».381 Hoc autem nullam haberet significationem

spiritalem, si tantum de lege aequo animo ageretur excepta. Ad cor pertinet

quod Deus tantum videt in abscondito (cfr Mt 5, 28). Cotidie mane, cum

quis surgit, consilium hoc fidelitatis, quidquid intra diem accidit, coram Deo

renovatur. Et cum quisque cubitum it, exsurgere exspectat dum hanc vicem

continuet, Domini auxilio confisus. Coniunx quisque sic alteri signum est et

instrumentum propinquitatis Domini, qui nos numquam derelinquit: « Ecce ego

vobiscum sum omnibus diebus usque ad consummationem saeculi » ( Mt 28, 20).

320. Est ubi amor coniugum maximam attingat liberationem et locus fiat

probae libertatis: cum vero quisque comperit alterum suum non esse mancipium,

sed possessorem multo superiorem habere, unicum Dominum. Nemo sibi vindi-

care potest animi penetralia personae amatae se possidere, cuius medium locum

vitae Ipse tantum potest occupare. Pariter certae rei spiritalis notio efficit, ut

coniunx nullo modo efflagitet alterum ipsius necessitates plene implere. Utrius-

que iter spiritale - sicuti Theodoricus Bonhoeffer optime explanabat - alterum

iuvare debet ut alterius efficta species amoveatur 382 et desinat exspectare ab

altero quod tantum est divini amoris. Hoc vero interiorem postulat spoliationem.

Spatium exclusivum, quod quisque coniugum servat ad sui ipsius conversationem

cum Deo, non modo vulneribus convictus indulget sanandis, sed etiam propriae

vitae significationi inveniendae in amore Dei. Actionem Spiritus cotidie invocare

necesse habemus, ut libertas haec interior exstare possit.

SpiritalitaS curaE, conSolationiS Et incitamEnti

321. Coniuges christiani sibi invicem, filiis suis ceterisque familiaribus,

« gratiae cooperatores sunt et fidei testes ».383 Deus eos vocat, ut prolem

380 ioannES pauluS II, Adhort. Ap. Familiaris consortio (22 Novembris 1981), 11: AAS 74 (1982), 93. 381 id., Homilia in Sancta Missa pro familiis Cordubae in Argentina habita (8 Aprilis 1987), 4:

Insegnamenti X, 1 (1987), 1161-1162. 382 Cfr Gemeinsames Leben, München 1973, 18 (versio italica: La vita comune, Brescia 1973, 46). 383 conc. oEcum. Vat. ii, Decr. Apostolicam actuositatem, 11.