138 NEAPOLITANA

ex sententia illa, quam protulit Sacra haec Congregatio, in Beneventana Concursus, diei 19 Decembris 1857. Orto enim dubio an valeret concursus, in qua conciuncula exarata non fuerit super themate ab Episcopo proposito, responsum fuit Affirmative. - Cuius responsionis, in discursu secretarii, haec statuitur ratio, quod concurrens conciunculam exaraverit evangelico textui maxime accommodatam. Hinc vellent non- nulli deducere quod Sacrae Congregationis responsio fuisset negativa, si concurrens neque super evangelico textu con- ciunculam exarasset. Ast perperam. Secretarii enim mens fuit excludere suspicionem, quod concurrens conciunculam paratam haberet; idque probat ex facto quod si conciuncu- lam non exaravit super themate ab Episcopo proposito ; exa- ravit tamen super evangelico textu, qui, eo ignorante, pro- positus fuit.

Hinc, ex mente secretarii, si concurrens conciunculam non exarasset super evangelico textu, non inde sequuta es- set nullitas concursus, sed potius necessitas inquirendi alia argumenta ad purgandam suspicionem, quod concurrens po- tuerit conciunculam illam etiam ex aliena manu paratam ha- bere, quo casu dicendi pji*o concione facultas probata non mansisset. Quae posteriora verba consulto adducenda putavi, ut magis, magisque clarescat, qui sit conciunculae finis, eiusque in concursu necessitas.

Et re sane vera cum, ex supra disputatis, parochus non teneatur formiter praedicare, nisi fuerit ad hoc specialiter ab Episcopo examinatus et approbatus; sequitur quod in con- cursibus ad parochiales Ecclesias conciuncula non requiratur ad hoc, ut pateat, an concurrens sciat interpretare ss. Scripturas, sed potius ad hoc ut manifestet an aliquam in dicendo capacitatem possideat ; quod certe satis est, ut possit gregi suo ea quae ad salutem obtinendam scitu necessaria sunt explicare. Hoc autem probari potest per conciunculam, etiamsi non fuerit evangelico textui accommodata. Hinc Conc. mediolanense V, ad probandum - an, concurrentes, sermones conterere, habereve sciant? exigit ut si quos, sermones,