1 3 8 EPISTOLA

quum a vobis deliberantibus, tum ab iis subinde quotquot eidem causae ingenium suum ac operam sint collaturi.- Certe autem, quod alias diximus, audacissimae impietatis dogmata, quae secta illa consectatur et flagitatione, quibus nititur artes, minus affe- rent calamitatis sensimque per se concident, si catholici homi- nes faciem suam Massonibus reddendam impensiore sollertia curent. Ii nimirum mendacio tenebrisque fidunt; ast ementita species si detrahatur , pronum est ut quotquot recte sentiunt eorum nequissimam perversitatem nolint ac detestentur. - Christi igitur et animarum urgente charitate, coeptis vestris gra- tulamur eisque, ut Dei benignitas faveat precamur volentes.- Confidimus sane conventum vestrum novos catholicis adiutu- rum stimulos, ut parcentes errantibus, errori ne pareant, et quae Christus hominibus impertiit; praestantissima bona violari ullo modo ne sinant. Haec autem ut pro votis cedant, tibi, Dilecte Fili, universisque qui congressui intererunt, auspicem caelestium munerum et benevolentiae Nostrae testem, Apostolicam bene- dictionem amantissime in Domino elargimur.

Datum Romae, apud S. Petrum, die I I Septembris M D C C C X C V I .

LEO PP . XIII.

• •

EX S. CONGREGATIONE CONCILII

PARISIEN.

N U L L I T A T I S M A T R I M O N I I

Die 25 Maii 1895, et 28 Martii 1896.

Sess . 24 cap. 1. De ref. m a t r .

C O M P E N D I U M F A C T I . Petrus dioecesis Baionen, in aetate 22 annorum constitutus, amore captus erga Margaritam puellam trilustrem, eiusdem dioecesis, illam in matrimonium ducere statuit. At huiusmodi nuptias viri pater adversatus, petitum consensum denegavit, nisi filius ipsi traderet sum- mam 100000 libellarum, ex conspicuo censu ei a matre de- füncta legato, quam Petrus praestare recusavit.