Acta Francisci Pp. 449

participarunt sacerdotes ac religiosae una cum magna fidelium multitudi-

ne, quod sanctitatis eius viventis famam confirmavit. Hanc propter famam

anno MMIV Hispali dioecesana Inquisitio est celebrata. Iure statutis servatis

rebus et Positione parata, in peculiari Congressione Consultores Theologi

eius virtutes heroum in modum exercitas comprobaverunt itemque Patres

Cardinales et Episcopi in Sessione Ordinaria die II mensis Decembris anno

MMVIII idem iudicarunt. Decessor Noster Benedictus XVI die XVII mensis

Ianuarii anno MMIX facultatem fecit ut Congregatio de Causis Sanctorum

de hac re Decretum ederet. Beatificatio die XVIII mensis Septembris anno

MMX Hispali est celebrata. Canonizationis causae sanatio, mira putata,

exhibita est, quae Hispali evenit quamque Medici Consultores Congre-

gationis de Causis Sanctorum ad scientiam inexplicabilem iudicarunt.

Consultores Theologi Beatae intercessioni tribuerunt sanationem et Pa-

tres Cardinales et Episcopi in Sessione Ordinaria die XIV mensis Aprilis

anno MMXV coadunati talem sanationem verum miraculum censuerunt.

Nos Ipsi facultatem fecimus ut Congregatio de Causis Sanctorum eius-

dem Decretum evulgaret atque in Consistorio die XXVII mensis Iunii anno

MMXV statuimus ut Beatae Mariae ab Immaculata Conceptione canonizatio

die XVIII mensis Octobris anno MMXV Romae celebraretur. Hodie igitur in

foro Petriano inter sacra hanc ediximus formulam: Ad honorem Sanctae

et Individuae Trinitatis, ad exaltationem fidei catholicae et vitae chris-

tianae incrementum, auctoritate Domini nostri Iesu Christi, beatorum

Apostolorum Petri et Pauli ac Nostra, matura deliberatione praehabita

et divina ope saepius implorata, ac de plurimorum Fratrum Nostrorum

consilio, Beatos Vincentium Grossi, Mariam ab Immaculata Conceptione

et Ludovicum Martin et Mariam Azeliam Guerin, comuges, Sanctos esse

decernimus et definimus, ac Sanctorum Catalogo adscribimus, statuentes

eos in universa Ecclesia inter Sanctos pia devotione recoli debere. In

nomine Patris et Filii et Spiritus Sancti.

Virgo haec prudens, tamquam sponsa Christi coronam accipiens, quam

ipsi Dominus praeparavit in aeternum, innumeris suis officiis distenta,

vitam suam fervidae fidei una et intensae navitati deditam iugiter ges-

sit, quin pauperibus servitium praestare destiterit, atque verbo et opere

ad altissimam spiritalitatis indolem servandam viribus non pepercit, ut,

multiplicata super eam Domini misericordia, caelestibus donis cumulatis,