140 EX S. C. CONCILII

Ad Defensorem vinculi Niciensem, qui asseruit : « ma- trimonium in facie Ecclesiae rite celebratum, licet nullum ex defectu liberi consensus, convalescere per spontaneam cohabitationem vel per copulam » - respondet orator, re- colens compertissimum in iure esse post Concilium Triden- tinum ad matrimonium ratificandum necessarium occurrit illud iterum contrahere coram parocho et testibus. Ita sane S. C C . declaravit in Panormitano, - nullitatis matrimonii - die 20 Septembris 1719 : hoc confirmant plures decisiones S. R. Rotae, ut in decis. 50 coram Seraphin., nec non Barbosa, vot. decis. lib. 2, vot. 17, n. 179, tom. 4, p.l. § 40 etc.

Iamvero, pergit patronus, in casu non solum contra- ctum iterum non fuit matrimonium in forma Tridentina; sed etiam post sequutam consummationem et susceptam pro- lem, ut supra vidimus ac testes affirmant, numquam ces- savit vehemens et fere innata oratricis aversio a viro. Quin- imo, processu temporis, eo res devenerunt, ut oratrix ipsa vitam in dies duriorem iam ferre non valens, infando con- silio, aerumnis suis veneno finem dare attentaverit.

Tandem orator notare non praetermittit, quod ea quae ipse hucusque deduxit, non inducunt ad praesumendum con- sensum quem oratrix, nec verbis nec aliis signis expressit ; sed potius impellunt ad iudicandum consensum ipsum, etiamsi in casu expressus fuisset, esse omnino vitiatum et nullum, utpote vi metuque iniuste extortum. Quare suae orationi finem imponens, duas considerationes affert, quae, iuxta ipsum, magis roborant allata argumenta. Ait enim : iuxta canonicam iurisprudentiam, quando agitur de metus illati probatione, magis credendum sit duobus de metu deponen- tibus, quam plurimis liberam voluntatem asserentibus. Ita sane Mascardus, De probat, vol. II, conci. 1055, n. 1 - ibi - « Metus probatio magis conficitur testibus affirman- tibus, quam negantibus ; quapropter Doctores illam consti- tuunt conclusionem quod magis sit credendum duobus te- stibus deponentibus de metu quam mille negantibus vel as-