454 Acta Apostolicae Sedis - Commentarium Officiale

LITTERAE APOSTOLICAE

I

Dei Servo Emmanueli a Sacra Familia (in saeculo Emmanueli Sanz Domínguez) martyri caelitum Beatorum tribuitur dignitas.

FRANCISCUS PP.

Ad perpetuam rei memoriam. - « Sive enim vivimus, Domino vivimus, sive morimur, Domino morimur. Sive ergo vivimus, sive morimur, Domini sumus » ( Rom 14, 8) .

Martyrum XX saeculi in Hispania catalogo adscribitur Servus Dei Em- manuel a Sacra Familia Sanz Domínguez, monachus professus et restaurator Ordinis S. Hieronymi, qui summo testimonio suum sanguinem fudit, Domini calici coniunctus.

Emmanuel Sanz Domínguez die XXXI mensis Decembris anno MDCC- CLXXXVII in oppido Sotodosos Guadalaiarensi ex pientissima familia ortus est. Cum esset probo animo, ad Seminarium ingrediendum se comparabat, sed Dei voluntas fuit ut apud ferriviam nationalem operaretur et deinceps apud mensam nummariam Matriti, locum eius operis. In principe Hispa- niae urbe apostolicam navitatem magnopere explicavit, ita ut Adorationis Nocturnae Praeses nominaretur.

Illo tempore nonnullos sacerdotes invenit, inter quos pater Iosephus Maria Rubio annumerato, Societatis Iesu sodalis, nunc sanctus Ioseph Ma- ria, qui eum iuverunt ut suam vocationem cognosceret. Moniales Sancti Hieronymi cum invenisset, Dei Servus vitam operaque Sancti Hieronymi cognoscere voluit, in animo cogitans, ut Ordinis S. Hieronymi virile secus restitueret, qui in Hispania anno MDCCCXXXV exstinctus est.

Annis MCMXXIII-MCMXXIV hoc propositum compluribus ecclesiasticis His- paniae potestatibus manifestavit inter quos Cardinalis Primas adscribitur, qui Dei Servo se praestaturum tempore opportuno suum subsidium est pollicitus. Serius cum Praefecto Congregationis pro Religiosis egit, ut oppor- tunam licentiam obtineret, et mense Iulio anno MCMXXIV a Pio XI in privata audientia est receptus. His ex conatibus Monasterium El Parral Segoviae anno MCMXXV ei est concessum, in quo Dei Servus nonnullique iuvenes se-

dem communitatis monasticae constituere possent. Segoviae praeparationis