Acta Francisci Pp. 455

tempus et ad sacerdotium iter incohavit. Die XXII mensis Decembris anno

MCMXXVIII sacro ordine est auctus et die X mensis Decembris anno MCMXXX

sollemnia vota nuncupavit.

Cum Monasterium El Parral in misera condicione versaretur, monachi

non paucos labores susceperunt ut necessitatibus communitatis subvenirent.

Hanc propter causam Dei Servus non despondit animum, sed propter de-

bilem valetudinem anno MCMXXXII de claustro ad tempus exire est coactus,

quod variis ex causis est productum.

Matritum se contulit et a quodam familiari est receptus. Ibi morabatur

cum anno MCMXXXVI adversum religionem persecutio exarsit. Die V mensis

Octobris captus est et in carcerem coniectus, ubi detentus admirabilem

serenitatem ostendit, tempus exigens precando, consolando, confitendo et

hortando suos concaptivos. Paucis diebus ante quam liberaretur dixit: « Quid-

quid est futurum, gratias Deo refero, quandoquidem magnam pulchramque

sortem mihi servavit. Si vivo, arbitrar Ordinem S. Hieronymi restitutum iri,

quod est omnium meorum somniorum propositum; si moriar, martyr ero

pro Christo, quod est plus quam somniare possim ». In oppido Paracuellos

de Jarama Matriti intra VI et VIII diem mensis Novembris eiusdem anni per

ignivomam manuballistam necatus est. Testis quidam eius mortis rationem

explicat: « interemptus est propter eiusdem sacerdotis religiosique condicio-

nem, non propter alias rationes ».

Martyrii fama protinus diffusa est et viva mansit. Quapropter in Curia

Matritensi dioecesana inquisitio incohata est. Die XX mensis Novembris anno

MMII Cardinalium et Episcoporum Congregatio est celebrata. Die XX men-

sis Decembris eiusdem anni Summus Pontifex Benedictus XVI mandavit ut

Decretum de martyrio foras daretur. Denique statuit ut beatificationis ritus

in Hispania die XIII mensis Octobris anno MMXIII celebraretur. Hunc diem

Nos confirmavimus et Tarracona est designata ad beatificationem agendam.

Hodie igitur, Tarracone in Hispania, ex mandato Nostro, Angelus S.R.E.

Cardinalis Amato, Praefectus Congregationis de Causis Sanctorum, Aposto-

licas legit Litteras, quibus Nos inter Beatos caelites rettulimus Servum Dei

Emmanuelem a Sacra Familia, qui pro fide tuenda vitam deposuit.

Nos vota Fratrum Nostrorum Iesu García Burillo, Episcopi Abulen-

sis, Alfonsi Milián Sorribas, Episcopi Barbastrensis-Montisonensis, Aloi-

sii S.R.E. Cardinalis Martínez Sistach, Archiepiscopi Barcinonensis, Ma-

rii Iceta Gavicagogeascoa, Episcopi Flaviobrigensis, Iosephi Emmanuelis