148 NOVARIEN.

debet. > Card. De Luca De iurep. disc. LX n. 5. Clausula vero in approbatione ab Ordinario apposita, « citra semper praeiudicium cuiuslibet tertii » videri posset adiecta ex stylo curiae, cum huiusmodi clausulae praeservativae vel dubita- tivae, quae tamen parum aut nihil operantur, apponi soleant praesertim in provisionibus iurispatronatus, teste card. De Luca De iurep. disc. III n. 13 et 14.

Quae cum ita sint, potius tenendum esse, animadvertunt iuspatronatus paroeciae S. Mariae de Pombia non esse hae- reditarium, sed vel reale vel fìdeicommissarium. Atque eo magis quia initio conventionis marchio Ferrerius enunciatur Feudatarius e Varallo Pombia, et Pombia, et veluti succes- sus in haereditatem et bona etc. quae licet de Leandro de Boniperti haud praedicentur, valere tamen edicunt ad expli- candam iurispatronatus naturam ab utroque, aequis parti- bus eademque successionis ratione, possessi. Porro ex ipso genealogico schemate ab adversa parte prolato, constat Le- andrum natu maiorem Caroli Hieronymi extitisse; quare posito quod ceteri fratres praemortui essent, coniici forsan posset ad eum primogeniti iura de venisse. Praesumptio vero qualitatis haereditariae in casu dubio ita intelligenda est, ut locum minime habeant si iurispatronatus natura alio argu- mento, imo « circumstantia inductiva » quae fundationis ta- bulas suppleat, demonstrari possit, ut docet saepe memora- tus card. De Luca De iurep. disc. LVI n. 3.

Ast parumper supposito quod adhuc dubium aliquod circa naturam huiusmodi iurispatronatus remaneat, dilui profecto contendunt ex ultimo statu et immemorabili observantia, quae minime incerta proclamari potest. Siquidem ab anno 1742 usque in praesens quinque parochorum nominationes peractae sunt, quas, nulla alia interiecta, integrum lapsum centum quinquaginta annorum bene explere posse autumant. Harum vero tres a marchione Ferrerio et vicissim duae a Leandri nepotibus, ad quos tertia modo pertinet, factae fuerunt. Fa- ctae autem fuerunt privative ad alios de Boniperti et ipsis scientibus, quia ibi commorabantur, quin umquam pacifica