i 50 MEDIOLANEN.

vini recitatione satisfaciant et obligationi, praecepto Eccle- siae impositae, et obligationi ex accepta eleemosyna susce- ptae.

Hanc quaestionem promovit apud Sacram Poenitentiariam sacerdos Carolus Gorla, in Seminario Theologico Mediola- nensi professor, sub die 24 Februarii 1894 ; eadem S. Poe- nitentiaria sub die 22 Martii 1894 reponere censuit: « Ora- tor, de quo in precibus, consulat loci Ordinarium et qua- tenus opus sit. per eius medium recurrat ».

Vicarius Capitularis Ecclesiae Mediolanensis, sede va- cante, quaestionem remisit ad Coetum Consultorum Dioe- cesis pro negotiis Theologicis, qui Consultores sub die 26 Apri- lis 1894, hoc proposito dubio: « Utrum sacerdos, stipe ac- cepta, in funeribus vel anniversariis mortuorum officium recitans, hac recitatione satisfaciat etiam eiusdem mortuo- rum officii parti, ad quam ex Kalendario Ambrosiano te- neatur » unanimi suffragio reposuerunt : « Affirmative, dum- modo sacerdos non sit beneficiatus ».

Verum nolens Vicarius executioni demandare huiusmodi decisionem inconsulta S. Poenitentiaria, ad eamdem remisit, pro congrua confirmatione, quaestionis definitionem. S. Poe- nitentiaria autem ad S. C. C. rem transmisit.

Disceptatio Synoptica

Agitur de duobus diversis obligationibus; altera nempe ex lege Ecclesiae proveniente, altera ex iustitia; quocirca videtur unica recitatione utrique obligationi non satisfieri.

Eo magis quod utraque obligatio in diversum finem ce- dit fere oppositum ; nam Officium Divinum ab Ecclesia im- ponitur in bonum fidelium universale; dum offerens elee- mosynam intendit bonum particulare alicuius fidelis.

Neque videtur posse scindi ipse recitationis fructus ut pars fidelibus universis obveniat, reliqua pars particulari fi- deli ; siquidem offerens eleemosynam intendit ut totus Of- ficii fructus cedat in spiritualem profectum cuiusdam de- functi.