PARISIEN. 151

caveat : « Indépendamment des pièces qui seront fournies ad hoc, je tiens d'une personne honorable et digne de foi qu'il n'existe aucun empêchement canonique », non decepti, sed deceptores isti omnes essent, si in celebratione talis matri- monii, nihil praeter monumenta publica ob oculos habitum est, si servata minime est Tridentini Concilii lex. Quod suspicari stultum est.

Neque canones sinunt, ait orator, indiscriminatim eos audiri qui matrimonium absque licentia proprii parochi ce- lebratum obiiciunt, sed distinguunt inter parochum proprium et alios quoscumque. Si parochus proprius statim clande- stinum matrimonium proclamet, affirmans se licentiam non esse largitum, is auditur, et sacerdoti, qui matrimonio in- terfuit, incumbit onus probandi vel licentiam sibi concessam vel sibi subditum esse alterutrum nupturientium. Quicumque autem alius çlandestinitatem proclamet, non auditur, nisi demonstret licentiam non collatam et nupturientes ad aliam parochiam spectare, ita Sánchez De matrim, lib. 3, disput. 35, n. 5, Barbosa De offic, et potest, episc, alleg. 32, n. 136 et Mascard. De probat, conclus. 984.

Verum prosequitur defensor, praesens matrimonium cele- bratum est anno 1880, nec Margaritae, nec Petri parochus clandestinum illud proclamavit, sed solum Margarita. Quo- circa, iuxta defensorem, saltem tria Margarita cumulative demonstret oportet, nempe primo licentiam impartitam non esse a parocho loci Mauléon, Margaritae proprio : secundo proprium Petri parochum tunc temporis: tertio demum non a Petri parocho collatam esse licentiam.

Nullius autem valoris est argumentum, ait matrimonii vindex, cui Margarita innititur. Etenim cum praesens iu- dicium inchoaret, a parocho suo ipsa petit scriptis ut decla- ret an quempiam praesenti matrimonio delegaverit, cui ille respondit: « Madame, en réponse à votre lettre j ' a i l'hon- neur de vous déclarer, que je n'ai pas souvenance d'avoir donné une délégation quelconque en vue de votre mariage ». At, clamat defensor, nemo sanus dicet epistolam huius tenoris