MEDIOLANEN. 151

Sed contra est quod etiam in Officio Divino distingui debent tres fructus non secus ac in Missa ; nempe generalis fidelibus universis obveniens ; medius ei cui a recitante ap- plicatur, et specialis ab ipso recitante lucratus, ut commu- niter docent Doctores apud Bonacinam V. h pag. 347 (edit. a. 1754). Quare distingui debet ipsa recitandi officii obligatio ab eius applicatione, hac relicta ab Ecclesia arbi- trio recitantis quoad fructum medium.

Proinde quisque sacris ordinibus initiatus tenetur Divi- num officium recitare ob sacros susceptos ordines. - Si vero postea beneficium Ecclesiasticum obtineat non tenetur bis recitare : sed unica recitatione satisfacit et praecepto Eccle- siae et piae fundatorum beneficii voluntati, quibus applicat fructum medium.

Quum Beneficium respondeat eleemosynae manuali quoad scopum offerentis, hinc videtur concludendum quod benefi- cium obtinens non potest unica recitatione satisfacere et Ecclesiae praecepto et alteri obligationi susceptae ex obla- tione particularis eleemosynae, quia fructus applicationis medius in beneficiato iam est absorptus ex ratione et bene- ficii obligatione.

Demum quia ex opere operantis non videtur denegandum maiorem fructum derivare particulari fideli si ei totum re- citationis Divini Officii pium opus applicetur; exinde non dicenda est contraria intentioni Ecclesiae obligatio quam forte offerens eleemosynam imponit recitanti Divinum Offi- cium ; ut nempe speciali seu iterata recitatione satisfaciat suae piae intentioni. Quae obligatio sive tacite sive expresse a sacerdote suscepta, videtur religiose custodienda et per iteratam recitationem satisfacienda.

VOTUM CONSULTORIS THEOLOGI. Status quaestionis est. Sa- cerdotes Ambrosiani tenentur in quadragesima unum No- cturnum, Laudes et Vesperas, defunctorum recitare, in feriis per annum Laudes et Vesperas non secus ac illi, qui utun- tur ritu Romano, fere eadem tenentur obligatione in die Comm. omnium defunctorum.