152 EX S. G. CONCILII

sunt : quinque vero nullimode explicari possint, nisi pona- tur praecedens causa, quae vere oratricis libertatem viola- vit et prorsus ademit.

Recolit insuper defensor actricem nimias , durante ma- trimonii coeremonia, fudisse lacrimas, ob quas forsan fa- ctum quoque est, ut adstans sacerdos non advertit defe- ctum seu denegationem verbalis consensus, putans nempe lacrimas ipsas impedimento esse quominus oratrix emitte- ret vocem, quam ex proposito continebat.

Idem probat ex facto, quod oratrix perdurante nuptiali iti- nere, per tres circiter menses, omnino detrectasse coniugalia officia, nec unquam debitum reddidisse antequam, ad preces que- relasque viri, intervenerit ipsius matris iussio violentissima.

Porro de conscientiae stimulis, quos oratricis mater per- sensit et adhuc persentit, fidem facit etiam testis noviter excussus et omni exceptione maior, idest proprius eiusdem parochus, nomine Coelestinus Mallet.

ANIMADVERSIONES DEFENSORIS S . V I N C U L I . E X adverso vinculi defensor totis viribus contendit, hanc causam ex actis noviter deductis potiori in conditione non inveniri; etenim, ait, requisitae literae a filia ad matrem missae, quae literae summam suppletorii iudici constituere debebant, editae non fuerunt : atque viri epistola, quae exhibita est, lacunis non obstantibus, assertum metum excludit : novi vero testes nihil, tempore non suspecto, didicerunt. Et ad haec probanda accedit orator.

Praeterea observat matrimonii tutor : quum nec testes nec alia, quae actrix in medium affert, ea sunt, quae prae- tensum metum astruant, ceu patet ex sapientissima E E . V V . decisione : - coadiuventur probationes - ; literas vero, quas ipsa, tempore non suspecto, matri dedit, exhibere nequit: ergo, deducit, decantatus metus demonstrari potis haud est : ergo ipsa necessario causa cadit. Tritissimum namque est fori axioma: - Actore non probante absolvitur reus -. At in contradictionibus referendis, queis pars adversa irretitur paulisper immoratur orator.