Dicit ergo : " Et responsit unus de senioribus, " id est, universitas omnium Praedicatorum Veteris et Novi Testamenti, qui unum sentiunt et idem docent, ut dicit Glossa. Sed cum nullus interrogaverit, quid est quod dicit : " Et respondit ? " Responsio. Modus est Scripturae, ut responsio non satisfaciat quaetioni, cum nulla praecesserit, sed desiderio hominis sicut dicitur, Matth. xxviii, 5 : Bespondens autem Angelus dixit mulieribus, etc. Cum tamen nulla quaestio praecessisset exterior, quaerebant tamen desiderio, cui respondens Angelus dixit : Nolite timere, etc.

Unde sensus est : " Et respondit unus de senioribus, " id est, desiderio meo satisfecit : " et dixit mihi: Hi qui amicti sunt stolis albis, qui sunt ? et unde tene-runt, " quantum ad statum miseriae saeculi ? Quasi diceret : Attende in quo statu sunt, et a quo veniunt, quia de miseria ad gloriam, de carcere ad regnum, de vinculis ad libertatem. Eccle. IV, 14 : De carcere catenisque interdum quis egrediatur ad regnum.

" Et dixi illi : Domine mi, tu scis. "

Quasi diceret: Nescio, tu scis.

" Et dixit mihi : Hi sunt qui venerunt de tribulatione magna, et laverunt stolas suas, et dealbaverunt eas in sanguine Agni. "

Hic docet senior Joannem per quam viam venitur ad gloriam.

Et primo dicitur, quod via est tribulatio. Secundo, quod est via ad gloriam, ibi, v. 15 : " Ideo sunt, etc. "