156 EX S. C. CONCILII

non proprie locutum fuisse, cum dixit: « Mlle. Caroline m'a demandé la permission de célébrer son mariage dans l'Eglise de Notre-Dame de Nice » ; quandoquidem oratrix maxima affirmatione asseverat, se nunquam nec cum matre, nec cum alio quopiam , adiisse parochum, ut eiusmodi li- centiam peteret.

ANIMADVERSIONES S. V I N C U L I D E F E N S O R I S . E X adverso vinculi defensor praemittit quod matrimonium, coram pa- rocho et duobus testibus initum ad formam a Conc. Tri- dentino praescriptam, semper validum praesumi debet, nisi evidentissimae rationes contrarium evincant. Ad rem In- structio S. U. I. edita die 20 Iunii 1883 monet : « Iudex sciat matrimonium esse per se factum quoddam solemnem et publicum, quod semper validum censeri debet, nisi evi- dentes rationes eiusdem nullitatem demonstraverint. Ideo curandum quidem omni studio atque diligentia, ut rationes istae colligantur, sed iudicium contra matrimonium nun- quam erit pronunciandum nisi earum complexio omne pru- dens dubium de existentia impedimenti excludat ».

Et ad impedimentum metus, quod attinet, recolit quae ad rem habet Rota coram Molinas dec. 920, n. 16 : « In- cussio metus ad annullandum actum, tanquam quid facti debet concludenter probari. Et quidem cum ea circumstan- tia, quod sit metus cadens in constantem virum ». Quare Sabellius aliquas enumerat conditiones, ut metus sit cadens in virum constantem (Summ, divers, tract. § Metus n. 3).

Iam vero, iuxta defensorem vinculi, non solum nec unum in actis prostat factum, quod hisce conditionibus quae cumulative concurrant oportet, instructum sit; sed contrarium in probatis est. Porro cubicularia illa, Elisa Forgeot, sciscitata a iudice : « Madame a frappé sa fìlle, pour l'amener à ce consentement? » respondet: « Non ». Urgenti iudici : « L'a-t-elle menacée de la chasser de la maison? » cubicularia pariter reponit: « Non ».

Mater ipsa non alia metus facta, quam haec recensere audet : « Jamais (ita illa) je ne te donnerai, lui (filiae) ai-