160.

De ss. Caprasio et Vcnantio.

1. Sanctorum merita pangamus, socii,
Oaprasii, Venantii, quorum vestigia
Sequamur humili corde et opere
Laudantes digne Dominum.

2, Primus pastor fuit docens discipulum,
De stirpe regia natum sed gratia,
Qua fiunt omnia, fonte baptismatis
Renatum plene reddidit.

3. Hi sunt, quos inclita haec tenet insula,
Quos multi martyres, sed plus confessores
Ac plures praesules sese secuti sunt
Ad regna juste coelica.
4. Athleta juvenis, offer obsequia
Pro tuis famulis, per tua merita
Duc nos ad bravia, quibus inhabitas,
Per tuas sanctas semitas.
5. Te, trina deitas unaque, poscimus,
Ut tu nos visites horum precatibus,
Nos quoque collocans tuis agminibus
Finitis vitae cursibus.