163. De sancto Castore.
In 1. Vesperis.

1. Concinens festum celebret fidelis

Plebs sacer noster, quia scandit aetlira
Hodie sanctus merito refulgens,
Comptus honore.

2. Urbe Aptensi renitet beatus

Castor et pastor pariterque dignus,
Pontifex noster simul et sacerdos
Mansit in aevum.

3. Nobilis natus generis probatur
Ac parentelae legitur senilis,
Dives effectus dapibus gazarum,
Doctus honeste.

4. Qui legens multum studiis repletur,
Lecta novit quam potius legisset
Atque sic fluctus rapuit profundos,
Doctus ut esset.

5. Inde, quas mundo reparavit actus,
Ad Deum prorsus revebuntur, usus
Sicque, quo vixit, Domino dicavit
In paradisum.

6. Gaudet amplecti pietatis usum,
Pauper in rebus maluit teneri,
Ut Deo junctus potuisset astris
Dives haberi.

7. Gloriam patri referamus almo
Ac suae proli simul aeque sancto
Flamini, semper Deus est et unus
Omne per aevum.