MECHLINIEN. 1 6 3

cusabat impotentiam. Nec in posterum infelix coniugum conditio mutata est.

Franciscus enim, ut Eugenia fatetur, numquam maritale debitum petebat ; et solummodo ab uxore requisitus copulam experiebatur, sed nequaquam eius vaginam penetrare valuit ; nec ad reiteratas mulieris instantias salutares artis peritos consulere voluit circa suum defectum.

Quapropter Eugenia, attenta praecipue vituperosa mariti condemnatione, nec non prodigalitate ac aspera eius indole, statuit eum derelinquere atque petiit solutionem, ita dicti, matrimonii civilis. Sueta facilitate obtento divortio, statim Eugenia recursum habuit ad auctoritatem ecclesiasticam supplicans Emum Archiepiscopum mechlinien., ut suum ma- trimonium nullum declararetur ob viri impotentiam.

Cum autem Emus Praesul difficilis probationis existi- maverit impotentiam viri antecedentem ac perpetuam, petiit a Summo Pontifice licentiam instruendi processum super non consummatione pro obtinenda dispensatione. Archiepiscopi petitioni S. Congr. Concilii illico satisfecit ; ideoque ipse, constituto tribunali, per Iudicem delegatum absque mora processum inchoavit. Excussa in primis fuit actrix eiusque septima manus. Vir in carcere examinatus est, qui autem praefracte recusavit respondere Iudicis interrogationibus circa eius impotentiam atque matrimonii non consummationem ; imo nec permisit sui corporis inspectionem, et testes septi- mae manus indigitare noluit. Hac de re Iudex, ut supplere tur huiusmodi defectui, censuit subiicere novo interrogatorio actricem, atque ex officio examinare parochum loci et me- dicum Bruylants, qui praevia Eugeniae inspectione iam te- staverat in causa divortii civilis, eam esse adhuc virginem.

Expletis denique processualibus actis, Emus Archiepi- scopus ea transmisit S. C. C. mense Maio 1894, sequentem informationem adiungens : « Liceat autem preces uxoris multum commendare, cum graves urgeant rationes, ut mu- lier non amplius cum viro cohabitare cogatur, et aliunde satis de inconsummatione constet.