Albert the Great, Commentarii In Psalmos

Dicit ergo sic: De corde et ore et etiam " propter verba labiorum tuorum, " Scripturarum Veteris Testamenti et Novi, quae sunt quasi duo labia. Vel Prophetarum, Jerem.XV,19: Si separaveris pretiosum a vili, quasi os meum eris.

" Ego custodivi in opere vias duras, " id est, operationes asperas, per naturam. Et si forte postea factae sunt leves per gratiam, et assuefactionem. Isa. xl, 4: Erunt prava ad ambulandum in directa, et aspera in vias planas. Asperae enim sunt viae, quibus incesserunt Sancti, et durae. Ad Hebr.XI,36 ct 37: Alii,scilicet sancti, ludibria et verbera experti, insuper et vincula et carceres: lapidati sunt, secti sunt, et caetera quae commemorat ibi Apostolus. Dura via Laurentii et Vincentii super craticulam : et tamen propter verba labiorum Dei promittentis magna, haec sustinuerunt. Gregorius: " Consili deratio praemii minuit vim suplicii. " Hieronymus ad Antonium monachum:

" Nudum Christum nudus sequere. " Dicitur grande et difficile, sed magna sunt praemia. II Machab.VI,30:Domine,qui habes sanctam scientiam, manifeste tuscis, quia cum a morte possem liberari, duros corporis sustineo dolores: secundum animam vero propter timorem tuum, libenter haec patior. Scio quod dicis, Psal. lxxxviii , 35 : Quae procedunt de labiis meis, non faciam irrita.

" Perfice gressus meos. " Hic est tertium totius primae partis, in qua dirigit sermonem ad potentiam : potentiae enim est inchoatum perficere : et dicuntur duo. Primo, petit in bono consummationem, ut non stet in mandatis, sed ut proficiat usque ad consilia adimplenda. Secundo, petit perseverantiam, ibi, " ut non moveantur. "

Ait ergo sic : Considera merita, et o tu potentissime "perfice gressus meos, " opera scilicet mea. Hi gressus de quibus Proverb.IV,25: Palpebrae tuae praecedant gressus tuos. Hos perfice. Deut.xxxiii, 6 : Perfectio tua, et doctrina tua viro sancto tuo,quem probasti intentatione. Job, IV. C : Ubi est patientia tua, et perfectio viarum tuarum ? " Perfice, " inquam, non in latis viis peccatum, sed " in semitis tuis. " consiliis scilicet, de quibus Proverb.IV, 11 : Ducam te per semitas aequitatis, quas cum ingressus fueris, non arctabuntur gressus tui. Hanc semitam multi non inveniunt. Job, xxviii, 7 : Semitam ignoravit avis, scilicet Christi.Et ita perfice, " ut non moveantur " ab eisdem semitis, " vestigia mea: " sed perseverem in illis. Vestigia exteriora operum humilitatis et obedientiae : interiora, ut irascibilis semper maneat in detestatione mali quod relinquit, concupiscibilis in amore boni quod promisit. De vestigiis istis, Job, XIII,27 Et vestigia, pedum meorum considerasti. Sed, heu !mihi multi hodie retrocedunt a vestigiis istis 1 Isa. XXXIII,8 : Cessavit transiens per semitam, irritum factum est pactum. Contra tales dicit Dominus

Luc. IX,62: Nemo mittens manum ad aratrum, et respiciens retro, aptus est regno Dei. II Petr.II,21: Melius erat illis non cognoscere viam justitiae, quam post agnitionem, retrorsum converti ab eo, quod illis traditum est, sancto mandato.

" Ego clamavi. " Hic est secunda pars Psalmi in qua postquam petivit gratiam contra laborem viae et duritiam, et quasi jam impetrata, confidenter orat contra inimicorum multitudinem viam ipsam impedientium.

Et dividitur haec pars in duas. Primo, petit conservationem et custodiam ab inimicis impedientibus profectum: secundo, contrariam retributionem illorum, et bonorum afflictorum ab illis, ibi, " Exsurge Domine, praeveni. "

In prima sunt plura. Primo, petit cum confidentia magna exaudiri. Secundo, probat quod debeat exaudiri, ibi, " Mirifica misericordias tuas. Tertio, ponitur determinatio petitionis, scilicet in quo velit exaudiri, quia in custodia sui contra inimicos, ibi, " A resistentibus dexterae tuae. " Quarto,qualiter vult exaudiri, ibi, " Ut pupillam oculi. " Quinto, quomodo, ibi, " Sub umbra alarum tuarum. " Sexto, a quibus, ibi, " A facie impiorum. ".Septimo,quare, ibi, "Inimici mei.

In prima tria tanguntur. Primo, certa confidentia impetrandi. Secundo, petitio de praeparatione Domini ad exaudiendum, ibi, " Inclina. " Et tertio, promptitudo exaudiendi, ibi, " Et exaudi me. "