MECHLINIEN. 171

rum sententiam, quod scilicet periti cognitores non ad testi- ficandum, sed potius ad iudicandum solent adhiberi, De Luca de iudic. disc. 33, num. 70. Abbas in Cap. Proposuit 4 de prob. Trescus Biscep. f or ens. cap. 572, n. 48, iam quin ce- tera loquar, nullum superesse videtur dubium in casu ma- trimonium non fuisse consummatum.

Verum equidem est, inspectionem contra iuris praescri- ptum expletam fuisse directe per medicos et non per ob- stetrices, sed hodie id a S. C. C. non improbari explo- ratum est.

Neque officit quod mulieris balneum non fuerit eius ex- plorationi praemissum : etenim balneus non censetur adeo necessarius ad detegendas fraudes, ut eius omissio constituat gravem difficultatem pro veritate dignoscenda : praesertim quando nulla existat fraudum fundata suspicio. Hinc in Istructione a Suprema S. C. Officii data pro conficiendo processu in huiusmodi causis, legitur : « Adhibito prius mu- lieris balneo, si necessario phisyci iudicaverint ».

Demum ad difficultatem quod mulier per quatuor anno- rum spatium numquam reclamaverit contra viri impotentiam responderi potest, iuxta deducta per Sánchez De Matrim, lib. 7, disp. 109, n. 6 et 7, et late docet Panimoll. dec. 15, an. 14, quod nempe mulier semper est audienda quando in negando copulam parata est ad sui corporis ostensionem. Unde S. C. C. licet mulier post trium et amplius annorum spa- tium reclamasset, quandoque solvit matrimonium, ut in Ro- mana Matrimonii 22 Aug. et 25 Nov. 1840. Praesumptio enim consummationis matrimonii ex longo mulieris silentio derivata, veritati per alias demonstrationes probatae cedat oportet, ut tradunt Barbosa in lib. Decret, tit. 26, cap. 1, n. 8, Pontius De Matrim, lib. 7, cap. 66, n. 11, et Con- stantinus vol. uH. an. 18.

Ceterum rationem sui silentii assignat ipsamet mulier inquiens : « Je n'en ai rien dit à mes parents, ni à d'autres personnes, parceque mon mari m'avait demandé de ne rien dire j 'a i souvent parlé de ces difficultés à mon mari ;