174 MEDIOLANEN.

privilegii pontificalium Praepositurae S. Mariae Scalensis fecit; ex prooemio Constitutionis, In Supremae, manifeste colligitur « Catholici Principes id exoptantes, et ad hoc opportuna auxilia exhibentes, speciales a nobis gratias et favores reportasse censeantur ».

Naturalem hanc obligationem, adnotat Orator, prae oculis intuentes Tridentini Patres proclamaverunt « legitima pa-, tronatuum iura tollere, piasque fidelium voluntates in eorum institutione violare aequum non est » (Sess. 25 cap. IX). Ad hoc patronus Franciscus Sfortia novam dotationem centum ducatorum annualium Praepositurali Beneficio S. Mariae Sca- lensis adiunxit, ut per auctoritatem Supremam Ecclesiasti- cam illud insigne declararetur. Ratione donationis petiit, ratione donationis obtinuit. Idcirco patronatus per hanc no- vam dotationem reconstitutus esse videtur, et favores occa- sione reconstitutionis, Pontificia auctoritate traditi, legem efformant, institutioni adiectam, quam ut proclamaba! Sa- crosancta Trid. Synodus, violare vel tollere aequum non est.

Ratio vero, quam Archiepiscopus Mediolanensis, ab initio contradictionis, assignabat, videlicet Pontificem Clem. XIV per insignia voluisse condecorare Capellanum Principis ; sed officium hoc cessavit ex quo Imperator nominavit Capella- nos Ordinarios pro tempore tum Mediolani, tum Venetiarum, iuxta patronum omni fundamento destituta est. Privilegium pontificalium haud repetitur ex concessione Clementis XIV, qui privilegium praeexistens confirmavit.

Dein Orator negat, quod reapse qualitas Cappellani aulici dempta sit Praeposito per assertam subsequutam nominatio- nem Archiepiscopi mediolanensis et Patriarchae Venetiarum. Qualitas Cappellani aulici, ait, haud in casu competebat Prae- posito ratione personalis officii; ratione Ecclesiae competebat, cuius erat caput et Rector. Ecclesia enim elevata fuit ad sta- tum cappellae aulicae, et ob hanc elevationem, rector Eccle- siae qualitatem accepit duraturam, quousque Ecclesia in eodem statu permansisset. Demonstrare debuerat Emus Archiepi- scopus, Ecclesiam S. Mariae Scalensis in S. Fidele statum