176 P A C T E N .

Huiusmodi Ecclesia a S. Petro supra Pactas nuncupata, suam administrandi rationem, prouti ex Actis perhibetur, tertio fere abhinc saeculo immutatam non parum habuit. Quandoquidem, Sede episcopali pactensi vacante, Archiepi- scopus Messanen. Fr. Bonaventura Secusio sacram exolvens huius dioeceseos perlustrationem die 6 Maii 16073 qua Visi- tator et proinde etiam qua Apostolicae Sedis Delegatus, ob excretam nimis populi multitudinem videtur Ecclesiam S. Mariae usque tunc omnimode ab Ecclesia matre depen- dentem, suo decreto in proprie dictam Paroeciam institu- isse et erexisse.

Attamen in tali Paroeciae erectione decernenda, uti fertur, Archiepiscopus Secusio aliquot praelationis et prae- eminentiae iura ipsi Archipresbytero Matricis Ecclesiae, tribuenda esse statuit. Paucis autem a decreto Institutio- nis novae Paroeciae transactis diebus, die nimirum 19 Maii 1607, ipsemet Archiepiscopus, indicto concursu et omnibus adhibitis canonicis solemnitatibus, Ascanium Salerni, datis collationis et Institutionis litteris, erectae recens Paroeciae S. Mariae praefecit.

Quam ordinationem non nisi aegro animo tulerunt Archi- presbyteri ad S. Pancratii. Namque vel inde ab exordio acerrimum certamen archipresbyteros inter et Parochos S. Mariae excitum et exercitum est; quum illi primaeva iurisdictione parochiali super Ecclesiam S. Mariae per illud episcopale decretum destituios fuisse detrectarent ; isti vero per illud ipsum decretum vere et proprie parochos effectos esse, abscisse contenderent. Longo annorum intervallo hinc inde haec iurisdictionis assertio et detrectatio efferbuit. Ve- rum hisce postremis annis factum est, ut ex conniventia Parochorum ad S. Mariae, archipresbyteri omnem prorsus super Ecclesiam S. Mariae iurisdictionem absorbuerint et usque in praesens libere exercuerint.

Demum anno 1892, in parochum ad S. Mariae renun- ciatio est Ioseph Anzà et ex Pontificio diei 15 Octobris eiusdem anni collationis diplomate iuridicam Paroeciae S. Ma-