sig. VII.

Humidus, id est, humectatus et madefactus omnium liquoribus gratiarum. Ipsa enim fuit quasi lignum quod transplantatur super aquas, quod ad humorem mittit radices suas, et non timebit cum venerit aestus : et sicut granum madefactum ex se germen emittit a quo est totus fructus sine contactu alterius grani, sic Maria madefacta graiia Spiritus sancti sine contactu virili germinavit Christum, qui est fructus benedict us, qui et dicitur germen propter humilitatem. Isa. xlv, 8 :. Aperiatur terra, et germinet Salvatorem,

Irriguus. Unde dicitur ei, Isa. lviii, 11: Eris quasi hortus irriguus, etc. Eccli.XXIV, 42, dicit Filius de matre : Rigabo hortum meum plantationum, ei inebriabo prati mei fructum. Eccle, ii, ii, dicit verus.Salomon : Exstruxi mihi piscinas aquarum, ut irrigarem. silvam lignorum germinantium. Christus fons est et fluvius, Maria paradisus. Genes. II, 6: Fons ascendebat de terra, irrigans universam superficiem terrae. Fons iste ad litteram abyssus, id est, matrix omnium aquarum. Vel, fons ponitur pro fontes per syllepsiin. Irrigare autem ponitur pro ministrare humorem. Dicitur autem terra circumjacens humectari a fluminibus per tracones, id est, vias subterraneas, vel meatus quatuordecim stadiis aut sedecim.

Mystice fons iste Christum designat, qui bene dicitur ascendere de terra : quia nascens de Virgine, ascendit, non descendit quemadmodum peccatores descendunt. Et bene dicitur Christus fons : quia corda fidelium suorum septeni donis Spiritus sancti non cessat irrigare, sed superexcellenter conscientiam matris suae. Unde ibidem sequitur: Fluvius, idest, Christus, egrediebatur, in sua incarnatione. Unde dicitur, Joan. XVI, 28: Exivi a Patre, ei veni in mundum. De loco voluptatis, id est, de utero virginali, ad irrigandum paradisum, id est, Ecclesiam quam irrigavit praedicando fluentis quatuor Evangeliorum, quae designantur per quatuor flumina in quae dividebatur fluvius ille. Vel etiam irrigavit sanguine et aqua quae fluxerant de corpore ejus.

Item, Nola quod hortus hic, id est, Maria, habuit in se utrumque irriguum, inferius scilicet et superius. Irriguum inferius complectitur triplicem fletum, scilicet pro peccatis propriis, sed hunc non habuit, quia numquam peccavit. Item, pro miseriis alienis, quae sunt praecipue culpa et paena : hunc habuit communicans per compassionem transgressionibus generis humani. Quasi diceret : Exitus aquarum deduxerunt oculi mei, quia non custodierunt legem tuam , o fili. mi. Communicans etiam passionibus Unigeniti sui, pro quo abundanter creditur lacrymata. Unde et ei dicitur, Cantic.VII, 4 : Oculi tui sicut piscinae in Hcsebon, etc. Item,

pro hujus miseriae incolatu, dicens illud Psalmi CXIX, 5 : Heu mihi! quia incolatus meus prolongatus est.

Irriguum superius habuit post ascensionem Filii, lugens pro desiderio patriae et absentia sponsi Unde dicit, Cantic, v, 8 : Filiae Jerusalem, id est, o vos virtutes angelicae, nuntiate dilecto, quia amore langueo. Propter hoc etiam videtur ipsa dixisse Filio ascendenti illud Canticorum, I, 3 : Trahe me post te, quasi toto desiderio ipsum prosequens ascendentem. Si enim spirituali doloris affectu comitata creditur patientem, et cum ignominia discedentem de mundo, cum quanto putas desiderio prosecuta est ascendentem de mundo cum gloria? Quantitatem enim desiderii ejus probat gaudium quod prae caeteris in caelis creditur assecuta : pro mensura gaudii cumulatur. Proverb. x, 2-4 : Desiderium suum justis dabitur. Cum ergo toto desiderio sequi desideraret ascendentem in caelum, dilatum est ad consolationem Apostolorum et sanctarum mulierum, cum quibus in oratione perseverans adhuc in odore Filii currebat. Unde et dilationis patiens magis quam repulsae, statim subdit, Cantic.I, 3: Curremus in odorem unguentorum tuorum, id est, in memoria beneficiorum Dei. Sed quia brevis est cursus hujus vitae, et quasi dicto citius terminatur, et succedit bravium sempiternum, statim postquam ait, curremus, nulla de cursu ipso facta alia mentione subdit : Introduxit me rex in cellaria sua.

Item, Ratione hujus duplicis irrigui designata est Maria, Josue, xv, 18 et 19, et Judicum, I, 14 et 15, per Axam sedentem super asinum : quia peroptime rexit corpus suum et omnem conculcavit pravam humani corporis voluptatem. Quod dixisse videtur Deo Patri designato per Caleph qui interpretatur omne cor : quia Deo Patri omne cor patet. " Pater, dedisti mihi terram arentem, id est, virginitatem sterilem per naturam, junge, obsecro, et irriguum aquis, id est, foecunditatem. " Et dedit ei Pater irriguum superius, id est, divinitatem Filii, qua

irrigantur Angeli et beati in patria. Et irriguum inferius, id est, Filii humanitatem, quando Verbum caro factum est in ea, cujus praedicatione, exemplis et miraculis fecundata est militans Ecclesia quasi quodam Irriguo, ut posset afferre fructum vitae. Et bene per Axam quae interpretatur furibunda, figuratur Maria, quae forte quasi furibunda reputata est a domesticis suis et pontificibus templi, cognito quod contra consuetudinem omnium praecedentium mulierum prima emisisset votum perpetuae virginitatis : et hoc tangitur in apocrypho de Infantia Salvatoris, Nec solum irriguus in se, sed et Irrigans nos fuit hic hortus quasi duplici irriguo. Superiori quod est charitas quae materiam habet desuper : quod fit quando exemplo charitatis ejus ad amorem inflammamur. Inferiori quod est humilitas, quae materiam habet de Inferius, quando exemplo ejus humiliamur.

Completus : quia Christus descendit in eam sicut pluvia in vellus. (Hoc invenies infra.) Ipsa enim fuit terra promissionis de caelo exspectans pluvias . (Quaere titulo de terra.)

Item, De hac terra dicitur, Ezechiel. xxxiv, 26 : Deducam imbrem in tempore suo, pluviae benedictionis erunt. Nota, quod in pluvia magna est aquarum abundantia et guttarum, innumerositas, et multo major in pluviis pluribus. Et ideo dicitur, quod pluviae benedictionis erunt, ut ostendatur, quod innumerabilis et immensa descendit in Virgine plenitudo gratiarum, in sanctificatione, in Spiritus sancti obumbratione, in Filii Dei conceptione, qui descendit tamquam imber et nix de caelo . Et Inebriavit mentem, et infudit terram carnis virgineae. Sequitur, Ezechiel.XXXIV, 27 : Ei dabit lignumagri fructum suum, et terra dabit germen suum. Per lignum et terram Mariam, per agrum mundum, per fructum et germen intellige Christum.

Rorificatus, id est, roratus passive : quia Filium Dei suscepit in incarnatione quasi rorem. Unde ipse dicit, Osee, XIV, 6 : Ero quasi ros : Israel, id est, Maria, germinabit quasi Ulium, (Quaere titulo de his quae a superiori descenderunt in hunc.hortum, ubi Christus dicitur ros.)