QUAESTIO III.

An aliquis debeat ministrare Sacramentum Baptismi, quando proesumitur baptizationem vergere in periculum vitae corporalis ejus qui suscipit ?

Richard. d. 4. art. 4. q. 2. Palud. d. 6. q. 1. art. 3. Marsil. 4. q. 4. art. 4. dub. 8. Soto d. 3. q. un. art. 8. fin. Sylv. v. Baptismus 4. g 10. Angelos et Armil. ibi aiunt projectum in puteum non esse baptizatum. Communis tenet oppositum. Gabr. d. 4. q. 2. art. 3. Major. q. 2. Suar. tum. 3. d. 20. sect 3. Valent. tom 4. d. 4. q. i.p.2.

Juxta (a) hoc quaeritur sine argumentis : An aliquis debeat ministrare Sacramentum Baptismi, quando praesumitur baptizationem vergere in periculum vitae corporalis ejus qui suscipit? Respondeo, aut talis praesumptio est certa ex signis certis, utpote si quis non habens aquam quam possit attingere, nisi de ponte propellat puerum in fluvium, vel in puteum, hoc certum est, quod quantum est ex ratione talis actus, nata est mors subsequi, quia submersio. Dico quod quando sic presumitur mors, nullo modo debet aliquis eum propellere aut projicere, quia peccabit mortaliter occidendo, et quilibet tenetur magis vitare peccatum mortale in seipso, quam quaerere salutem proximi, quia ordinata charitas magis est ad seipsum. Dicitur etiam, quod talis sic projectus non esset baptizatus, quia baptismus est ablutio ordinata ad vitam illius abluti; non sic ordinatur talis dimersio. Esset ergo in tali casu aliquis pannus dimittendus in puteum, vel fluvium (si non habetur vas in quo posset aqua hauririt), de isto panno aqua exprimenda, qua baptizetur talis.