180 EX S. G. EPISC. ET REGUL.

degente, et adversante P. Brunone a Vinay Ordinis Com- missario; neque ad probandum Ordinis consensum adduci valet aliqua determinatio Definitorii Generalis. Ordinis con- trarietas erat evidens et in eo innixa, quia agebatur de in- congruo et nimis dispendioso opere. Concludit itaque Pro- curator Generalis aiendo constructionem incoeptam esse pe- riculo et nomine solius P. Hyacinthi.

Neque progressu temporis, pergit Procurator Generalis, admitti potest accessisse in aedificii constructione Ordinis ratihabitionem. Nam contractus cum sociis Calderai et Lazzarini tantum a P. Hyacintho fuit subsignatus : delinea- tiones factae ab Architectis, notae expensarum, computa, numquam exhibita fuerunt approbationi Ministri Generalis; sed omnia susceptores Calderai et Lazzarini gesserunt dire- cte cum P. Hyacintho unico aedificii Moderatore. Verum quidem est quod nonnullae summae persolutae sunt a P. Ful- gentio Definitore Generali Ordinis, sed ex commissione P.Hya- cinthi, qui eas mittebat ; et Procurator Generalis probat al- legando literas ipsius P. Hyacinthi. Item quoad quinque collybisticas literas, quarum unaquaeque obligationem de- cem millium libellarum secumferebat, ipse observat eas tan- tum a P. Hyacintho fuisse subscriptas et absque Superio- rum Ordinis licentia; de his proinde Ordo respondere non debet.

Susceptoribus vero Calderai et Lazzarini qui obnituntur se tueri bona fide, et appellant Ordinem obligatum, eo quia Minister Generalis huiusmodi opera non interdixit P. Hya- cintho, P. Procurator ita reponit: Primo bonam fidem eis nullimode suffragari valet, quia cautiores esse debebant, nam cum Romae morarentur facile erat super hoc negotio Ministrum Generalem interpellare; idque eo fortius quia saepius dubia habuerunt de solvibilitate P. Hyacinthi, super cuius bonis non veri ti sunt hypothecam inscribere. Cur itaque hisce in casibus non adierunt Superiorem Ordinis ? Quoad alterum obiectum Procurator facile se expedit anim- advertens, quod P. Hyacinthus per benedictionem Papalem