PACTEN. 183

genuino fonte serio dubitari potest, quippe iam pridem in remotiore aetate et aestus contentionis producta fuerunt.

Ex quaestionis autem indole pronum est perspicere, hic agi an reapse Ecclesia S. Mariae in parochialem titulum erecta fuerit. Huiusmodi erectioni admittendae sane non ob- stant iura praeeminentiae et obsequii reservata Ecclesiae matrici, imo hoc est conforme praescriptioni iuris communis. Nihilominus inter haec signa subiectionis non videtur posse recenseri ius quod vindicari vellet Ecclesiae matrici priva- tivum quoad matrimonia celebranda. Siquidem praecipue post Concilium Tridentinum, quum matrimonia ineunda sint coram Parocho proprio, nempe coram Parocho Ecclesiae apud quam domicilium quis, aut quasi domicilium fovet, eviden- ter fluere videtur ius celebrandi matrimonia necessario, ex voluntate iuris communis cohaerere cum officio parochi, adeo ut disiungi non valeat ab Episcopo. Quamobrem si evinci posset, hoc ius fuisse haud concessum Rectori Ecclesiae S. Mariae, sed idem perseverasse intactum apud Ecclesiam matricem, iam actum esset de iuribus parochialibus Eccle- siae S. Mariae.

Quod in propositum adverti debet hodiernum Ecclesiae Rectorem, expletis solemnitatibus collationi beneficiorum parochialium praeviis, institutum fuisse in hoc beneficio per Bullam Pontificiam collationis diei 15 Octob. 1893; qua haec significantur, nempe - Parochialem Ecclesiam praefatam... cum adnexis (fructibus) huiusmodi ac omnibus illius iuri- bus et pertinentiis Apostolica Auctoritate tibi conferimus. -

Hisce praenotatis proposita fuerunt diluenda

Dubia

An iura Parochiae competant Ecclesiae S. Mariae in casu. Et quatenus Affirmative :

An et quaenam iura debeantur Ecclesiae Matrici in casu. R E S O L U T I O . Sacra C. C. re discussa sub die 1 3 Iunii 1 8 9 6

censuit respondere : Ad l u m Affirmative. Ad Ilum Pro qua- cumque reservatione favore Apchipresbyteri solvendas esse