EX S. C. RITUUM 183

S. Iuliae tumulatae sunt, confluente illuc clero et populo ad opem implorandam et ad gratias pro beneficiis acceptis agen- das. Crescente autem magis in dies fidelium frequentia et ve- neratione ad sepulchrum, corpus Obitu in digniorem locum nempe ad altare maius eiusdem Ecclesiae translatum est, do- nec anno 1798, suppresso monasterio S. Iuliae, ne ab impiis profanaretur ab ipso Ordinario Brixiensi donum datum est incolis Niardi ut illud sacrum pignus in Parochiali Ecclesia publice expositum una cum reliquiis inde ab anno 1653 con- cessis, suis votis satisfacturi colerent. Huius publici et eccle- siastici cultus Servo Dei longe ante aevum Urbanianum et deinceps absque interruptione praestiti, plura circumferebantur argumenta ex authenticis monumentis, ex antiquis scriptoribus et ex compluribus testibus fide dignis desumpta sive quoad titulum Sancti vel Beati, sive quoad preces liturgicas, aquae benedictionem ut Festum cum Officio et Missa sub ritu duplici in eius honorem, sive quoad imagines radiis et laureola deco- ratas et reliquias publicae venerationi expositas, scientibus, an- nuentibus et approbantibus Episcopis Ordinariis. Attamen idem cultus famam sanctitatis vitae, virtutum et miraculorum comi- tans nondum ab Apostolica Sede authentico Decreto recognitus et approbatus fuerat. De hac re apprime sollicitus Rmus Dnus Iacobus Corna Pellegrini Episcopus Brixiensis, postremis hisce annis per iudicem delegatum Ordinarium super eodem cultu Inquisitionem instituit et favorabilem sententiam protulit. Actis Curiae Brixiensis ad Sacram Rituum Congregationem delatis, Rmus Dnus Petrus Crostarosa Canonicus Patriarchalis Basili- cae Liberianae et Postulator huius Causae, nomine etiam Rmi Episcopi et universi cleri et populi dioeceseos Brixiensis ac praesertim Niardi, loci Obitio natalis, eiusdem sententiae con- firmationem a Sancta Sede humillime efflagitavit. Hinc ab Emo et Rmo Dno Cardinali Raphaele Pierotti ipsius Causae Rela- tore, in Ordinario Sacrorum Rituum Congregationis Coetu, sub- signata die, ad Vaticanum coadunato, sequens dubium discu- tiendum propositum fuit: An sententia iudicis delegati a Rmo Episcopo Brixiensi super cultu ab immemorabili tempore prae- stito Servo Dei Obitio, Confessori Brixiensi, seu super casu excepto a Decretis sa. me. Urbani Papae VIII sit confirmanda in casu et ad effectum de quo agitur? Porro Emi et Rmi Pa- tres Sacris tuendis Ritibus praepositi, post relationem eiusdem