THEATINA 185

parentum custodia moratus est, quin, uti videtur, ne brevi quidem temporis spatio simul fuerint solus cum sola.

Aliquot mensibus decursis, Ioseph ut barbitonsoris artem perfectius edisceret, annuente uxore eiusque matre Lancia- num se contulit. Hac in Iosephi absentia iuvenis Pantaleo di Bartolomeo e loco Caldari, qui iam Nicolaam in sponsam appetiverat, circumvenire eam iterum cepit ;• quae, utpote levissimae indolis atque nefariis consiliis sororis et patrini impulsa, haud tardavit callidis Pantaleonis artibus illaqueari. Cuius amore obcoecata, Nicolaa, inscia matre, non horruit die 13 Septembris 1890 cum amasio fugam arripere, atque cum eo vinculum civile contrahere, quo ex contubernio iam tres filios suscepit.

Infelix Ioseph reversus in patriam probe noscens amplius coniungi non posse cum scelesta uxore et alioquin eius in- firmam ac senescentem matrem indigere auxilio, de alia uxore ducenda serio cogitavit. Ideoque supplices Summo Pontifici, porrexit preces, postulans dispensationem sui ma- trimonii rati et non consummati.

Ex officio animadversum fuit, processuales tabulas haud bene confectas esse ; siquidem ex iis certe non constat, num Iudex delegatus, actuarius et praesertim vinculi defensor ex officio, emiserint iuramentum, nec pariter dignoscitur an ipsis coniugibus eorumque septimae manus testibus iuramen- tum de veritate dicenda delatum fuerit. Dum e contra pro- cessui annectitur sententia declarans matrimonium non con- summatum, quam non requisitus et absque potestate Iudex protulit. Nam S. C. C. commisit Archiepiscopo Theatino tantum instructionem processus ad normam Const. Dei mi- seratione et instructionis anni 1840 eiusdem sacrae Congre- gationis.

Disceptatio Synoptica

V O T U M T H E O L O G I . Quaerit iste utrum de matrimonii in casu inconsummatione constet, et affirmative respondendum esse putat. Nam ex actis constat, matrimonium fuisse con-