THEATINA 1 8 7

solos convenisse in eodem loco, sed semper coram aliis per- sonis permansisse, iisque videntibus se separavisse, quod, ceu monuimus, sufficit ad stabiliendam coarctatum.

Quae cum ita sint supervacaneum videtur adducere in confirmationem inconsummationis testimonium Pantaleonis, ex propria scientia deponentis se reperisse intactam mulie- rem, et Nicolai Porreca testantis, se tempore non suspecto audivisse haec a Pantaleone proferri.

Constare igitur videtur certitudine morali de matrimonii in themate inconsummatione.

Sed neque causae deesse videntur, quibus Rom. Pontifex moveri solet ad dispensationis gratiam impertiendam. Ex fuga enim et ex corruptione mulieris et ex ipsius coniugio contractu civili, inito cum seductore, qui insuper inimicus familiae Giuliani exhibetur, talis supervenit animorum dis- sociatio ac aversio, ut nulla de instaurando matrimonio spes affulgere videatur.

Dispensationi favet insuper vinculum civile iam contra- ctum cum Pantaleone, ad quod, ob iniuriam temporum, ad graviora mala vitanda, respectum haberi debet.

Favet periculum scandali et perversionis Iosephi; favet demum infelicis seductae puellae conditio, quae a primi con- iugii vinculo soluta, posset et coram ecclesia matrimonium contrahere cum eodem, cum quo nunc vinculo civili coniuncta est, et sic filios legitimare.

V O T U M C A N O N I S T A E . Praesens quaestio tota reducitur ad hoc, nempe ut inquiratur an matrimonium inter Iosephum Giuliani, et Nicolaam Antoniam Masciarelli manserit ra- tum j> seu inconsummatum, cum de valore disputare non liceat, et an sit locus a Summo Pontifice vinculi sacramen- talis relaxationem implorare.

His praemissis, ad quaestionem, utrum hoc matrimonium manserit inconsummatum, et an sit locus ad dispensatio- nem a Summo Pontifice implorandam a vinculo matrimonii rati, non consummati : Respondeo affirmative.

Ex iudiciali enim Processu colligi posse, morali certi-